Download http://bigtheme.net/joomla Free Templates Joomla! 3
Home / اہم ترین / پنجاب اسمبلی کے نومنتخب ارکان کل حلف اٹھائیں گے، تیاریاں مکمل

پنجاب اسمبلی کے نومنتخب ارکان کل حلف اٹھائیں گے، تیاریاں مکمل

لاہور(مانیٹرنگ ڈیسک) پنجاب اسمبلی کااجلاس کل صبح 10 بجے اسپیکر رانا محمد اقبال کی صدارت میں ہوگا جس کے لیے تمام تیاریاں مکمل کرلی گئی ہیں۔
پنجاب اسمبلی کے نومنتخب ارکان سے اسپیکر رانا محمد اقبال حلف لیں گے، نومنتخب ارکان کی مدد کے لیے اسمبلی کے احاطے میں آفیسرز تعینات ہوں گے جب کہ ارکان اسمبلی کو حلف کے بعد آئین اور اسمبلی قواعد کی کتابیں فراہم کی جائیں گی۔
حلف کے بعد اسپیکر پنجاب اسمبلی رانا اقبال نئے اسپیکر اور ڈپٹی اسپیکر کیلیے الیکشن کے شیڈول کا اعلان کریں گے، 15 اگست کو 3 بجے سے شام 5 بجے تک اسپیکر اور ڈپٹی اسپیکر کے لئے کاغذات نامزدگی جمع ہوں گے اور 16 اگست کو اسپیکر اور ڈپٹی اسپیکر کا انتخاب ہوگا، دونوں انتخاب خفیہ رائے شماری سے ہوں گے۔
اسمبلی اجلاس کے موقع پر سیکورٹی کے سخت انتظامات کو بھی حتمی شکل دیدی گئی ہے جب کہ پنجاب اسمبلی کے ارکان کے لیے ہدایت نامہ بھی جاری کردیا گیا ہے جس میں کہا گیا ہے کہ اسمبلی میں فی الحال گنجائش نہیں لہذا معزز ارکان مہمان ساتھ لانے کی زحمت نہ کریں، نو منتخب ارکان کو اپنے اسمبلی کارڈ کے لیے شناختی کارڈز کی 3 کاپیاں، 6 عدد تصاویر فوری اسمبلی سیکرٹریٹ بھجوانے کی ہدایت کی گئی ہے۔

About Admin

Check Also

حکومت نے منی بجٹ نہیں منی ڈرامہ پیش کیا ہے، آصف زرداری

کراچی: سابق صدر آصف علی زرداری کا کہنا ہے کہ حکومت نے منی بجٹ نہیں …

Leave a Reply

Your email address will not be published. Required fields are marked *

%d bloggers like this: