Download http://bigtheme.net/joomla Free Templates Joomla! 3
Home / اہم ترین / چمن : مال روڈ پر دھماکا اور فائرنگ، متعدد افراد زخمی

چمن : مال روڈ پر دھماکا اور فائرنگ، متعدد افراد زخمی

کوئٹہ(مانیٹرنگ ڈیسک) چمن میں واقع مال روڈ پر دھماکے کے نتیجے میں 6 افراد زخمی ہوگئے ہیں۔
نجی ٹی وی کے مطابق بلوچستان کے شہر چمن میں مال روڈ پر ہونے والے دھماکے میں متعدد افراد زخمی ہوگئے ہیں، عینی شاہدین کا کہنا ہے کہ شہری نمازِ جمعہ کی ادائیگی کے لئے مسجد میں جارہے تھے کہ سڑک پر کھڑی موٹر سائیکل دھماکے سے اڑگئی اور دھماکے کے فوری بعد ہی فائرنگ کا سلسلہ شروع ہوگیا، دھماکا اس قدر شدید تھا کہ قریبی عمارتوں کے شیشے ٹوٹ گئے اور 10 سے زائد دکانوں میں آگ بھڑک اٹھی۔ شہریوں نے فوری طور پر اپنی مدد آپ کے تحت زخمیوں کو سول اسپتال منتقل کیا۔
پولیس حکام کا کہنا ہے کہ دھماکے میں قانون نافذ کرنے والے ادارے کی گاڑی کو نشانہ بنایا گیا، ابتدائی رپورٹ کے مطابق دھماکا ریمورٹ کنٹرول تھا اور بارودی مواد موٹرسائیکل میں نصب کیا گیا تھا، ابھی تک 6 افراد کے شدید زخمی ہونے کی اطلاعات ہیں جنہیں سول اسپتال چمن منتقل کردیا گیا ہے جب کہ دیگراسپتالوں میں بھی ایمرجنسی نافذ کردی گئی ہے۔
دھماکے کی اطلاع ملتے ہی ریسکیو کی ٹیمیں اور سیکیورٹی فورسز کے دستے جائے وقوعہ پر پہنچ گئے اور قانون نافذ کرنے والے ادارے کے اہلکاروں نے حادثے کی جگہ سے شواہد اکٹھے کرنا شروع کردیئے ہیں جب کہ علاقے کو گھیرے میں لے کرسرچ آپریشن بھی شروع کردیا گیا ہے۔

About Admin

Check Also

khursheed shah

عمران خان کی تقریر سے لگا جیسےان کی تربیت لالو پرساد نے کی ہو،خورشید شاہ

اسلام آباد (مانیٹرنگ‌ ڈیسک) پیپلز پارٹی کے رہنما خورشید شاہ نے نومنتخب وزیراعظم کو تنقید …

Leave a Reply

Your email address will not be published. Required fields are marked *

%d bloggers like this: