Download http://bigtheme.net/joomla Free Templates Joomla! 3
Home / کھیل کود / پاکستان نے پہلے ون ڈے میں زمبابوے کو 201 رنز سے شکست دیدی

پاکستان نے پہلے ون ڈے میں زمبابوے کو 201 رنز سے شکست دیدی

بلاوایو(مانیٹرنگ ڈیسک) پاکستان نے پانچ ایک روزہ میچز پر مشتمل سیریز کے پہلے میچ میں زمبابوے کو 201 رنز سے شکست دیدی۔
زمبابوے کے شہر بلاوایو میں کھیلے گئے پہلے میچ میں پاکستان نے زمبابوے کو جیت کے لیے 309 رنز کا ہدف دیا ہے جس کے تعاقب میں زمبابوے کی پوری ٹیم صرف 107 رنز ہی بناسکی۔
زمبابوے کی جانب سے صرف 4 کھلاڑی ڈبل فیگر میں داخل ہوئے جن میں چامو چبھابا 20، ڈونلڈ ٹریپانو 12، تراسائی مساکنڈا 21 رنز بناکر آؤٹ ہوئے جب کہ ریان مرے 32 رنز پر ناٹ آؤٹ رہے۔
قومی ٹیم کی جانب سے لیگ اسپنر شاداب خان نے 4، عثمان خان ، فہیم اشرف نے 2،2 جب کہ حسن علی اور محمد عامر نے ایک ایک وکٹ حاصل کی۔
اس سے قبل زمبابوے نے ٹاس جیت کر پہلے فیلڈنگ کا فیصلہ کیا تو پاکستان کی جانب سے اننگز کا آغاز فخرزمان اور امام الحق نے کیا، دونوں اوپنرز نے پر اعتماد اننگز کا آغاز کیا اور 133 رنز کی شراکت قائم کی جس کے بعد فخرزمان 60 رنز بناکر آؤٹ ہوگئے، امام الحق نے 129 رنز کی شاندار اننگز کھیلی۔
ون ڈاؤن آنے والے بابر اعظم نے 30 جب کہ شعیب ملک نے 22 رنز کی اننگز کھیلی، آصف علی نے بھی 25 گیندوں پر 46 رنز کی جارحانہ اننگز کھیلی جس کی بدولت پاکستان نے مقررہ اوورز میں 7 وکٹوں کے نقصان پر 308 رنز بنائے۔
واضح رہے کہ اس سے قبل قومی ٹیم نے ہرارے میں کھیلی گئی سہ ملکی سیریز میں فتح حاصل کی تھی، قومی ٹیم نے فائنل میں آسٹریلیا کو 6 وکٹوں سے شکست دی تھی۔

About Admin

Check Also

زمبابوے کے خلاف چوتھے میچ سے قبل پاکستانی کھلاڑیوں کی بولاوایو میں پریکٹس

ہرارے(مانیٹرنگ ڈیسک) زمبابوے کے خلاف چوتھے میچ سے قبل پاکستانی پلیئرز نے بولاوایو میں پریکٹس …

Leave a Reply

Your email address will not be published. Required fields are marked *

%d bloggers like this: