Download http://bigtheme.net/joomla Free Templates Joomla! 3
Home / بین الاقوامی / بھارت میں آلودگی پھیلانے والی فیکٹری کیخلاف احتجاج، پولیس فائرنگ سے 9 شہری ہلاک

بھارت میں آلودگی پھیلانے والی فیکٹری کیخلاف احتجاج، پولیس فائرنگ سے 9 شہری ہلاک

چنئی: بھارت ریاست تامل ناڈو میں تانبا پگھلانے والی غیر ملکی فیکٹری کی توسیع کے خلاف احتجاج کرنے والوں پر پولیس کی اندھا دھند فائرنگ سے 9 افراد ہلاک ہوگئے۔
بھارتی میڈیا کے مطابق تامل ناڈو کے جنوبی ضلع میں برطانوی کمپنی ’ویدانتا‘ کے مقامی کارخانے ’اسٹرلائٹ کاپر‘ کی توسیع کے خلاف 100 روز سے سراپا احتجاج افرادکو منتشر کرنے کے لیے پولیس نے طاقت کا وحشیانہ استعمال کرتے ہوئے گولیاں برسادیں۔
پولیس نے مظاہرین پر براہ راست گولیاں چلائیں اور طاقت کے زور پر منشتر کرنے کے لیے لاٹھی چارج بھی کیا،پولیس کی فائرنگ سے اب تک 9 ہلاکتوں کی تصدیق کی گئی ہے جب کہ 30 سے زائد زخمی ہیں۔
ذرائع نے بتایا کہ ہزاروں افراد فیکٹری کے توسیعی منصوبے کے خلاف احتجاج میں شریک تھے۔ مظاہرین کا کہنا ہے کہ فیکٹری آلودگی پھیلا رہی ہے اور ماحول کو خراب کررہی ہے جس کے نتیجے میں ان کا پانی بھی زہریلا ہورہا ہے۔ ریاستی حکومت کی جانب سے جاری پریس ریلیز میں بتایا گیا ہے کہ مظاہرین کی تعداد 20 ہزار سے زائد تھی، مظاہرین نے پلانٹ کےخلاف ریلی نکالی اور کلیکٹر آفس کی طرف مارچ کیا تو پولیس نے آگے بڑھنے سے روکنے کے لیے ان کے خلاف کارروائی کی۔
تامل ناڈو کے وزیر فشریز ڈی جایا کمار نے صحافیوں کو بتایا کہ سرکار فیکٹری پلانٹ کی توسیع کیخلاف ہے اور اس توسیعی منصوبے کو روکنے کے لیے تمام قانونی راستو ں کو اختیار کیا جارہا ہے۔

About Admin

Check Also

صدر ڈونلڈ ٹرمپ نے امریکی دفاعی بجٹ کی منظوری دے دی

واشنگٹن (مانیٹرنگ ڈیسک) امریکی صدر ڈونلڈ ٹرمپ نے اگلے مالی سال کے لیے 716 ارب …

Leave a Reply

Your email address will not be published. Required fields are marked *

%d bloggers like this: