Download http://bigtheme.net/joomla Free Templates Joomla! 3
Home / شوبز / مادھوری ڈکشٹ نے سری دیوی کی جگہ لے لی

مادھوری ڈکشٹ نے سری دیوی کی جگہ لے لی

نیو دہلی: بالی ووڈ اداکارہ مادھوری ڈکشٹ انجہانی سری دیوی کی جگہ کرن جوہر کی فلم میں سنجے دت کے ساتھ نظر آئیں گی۔
بالی ووڈ کی نامور اداکارہ سری دیوی کی موت بالی ووڈ کے لیے یقینی طور پر ایک بڑا دھچکا تھا، بالی وڈ رپورٹس کے مطابق انجہانی سری دیوی کو کرن جوہر اور ساجد ناڈیاوالا نے اپنی نئی آنے والی فلم میں سنجے دت کے مد مقابل کاسٹ کیا تھا اور فلم کی شوٹنگ بھی شروع ہونے والی تھی تاہم اچانک سری دیوی کی موت ہوگئی جس کے بعد کرن جوہر فلم ختم کرنے کی منصوبہ بندی کررہے تھے تاہم بھارتی میڈیا کے مطابق اب فلم میں سری دیوی کا کردار مادھوری ڈکشٹ نبھائیں گی۔
سری دیوی کی بیٹی جھانوی کپور نے انسٹاگرام پر مادھوری ڈکشٹ اور سری دیوی کی تصویر شئیر کی جس میں ان کا کہنا تھا کہ ہدایت کار ابھیشیک ورما کی اگلی فلم سری دیوی کے دل کے بہت قریب تھی تاہم اب والد، خوشی اور میں مادھوری ڈکشٹ کے مشکور ہیں کہ وہ اب ابھیشیک ورما کی اس خوبصورت فلم کا حصہ بن گئیں ہیں۔
جھانوی کپور کی پوسٹ کے بعد بھارتی فلم نگری میں قیاس آرائیاں شروع ہوگئیں ہیں اور کہا جارہا ہے کہ سری دیوی اور سنجے دت کی فلم ’شدت‘ میں اب مادھوری ڈکشٹ سری دیوی کا کردار اداکریں گی، فلم میں ورون دھون اور عالیہ بھٹ بھی شامل ہیں جب کہ اب فلم کی شوٹنگ اگلے سال شروع ہوگی۔

About Admin

Check Also

کرشمہ کپور کی 6 سال بعد اسکرین پر واپسی

ممبئی (مانیٹرنگ ڈیسک) نامور بالی ووڈ اداکارہ کرشمہ کپور 6 سال بعد چھوٹی اسکرین سے …

Leave a Reply

Your email address will not be published. Required fields are marked *

%d bloggers like this: