Download http://bigtheme.net/joomla Free Templates Joomla! 3
Home / پاکستان / مہمند ایجنسی میں پولیو ٹیم پر حملے میں 2 رضاکار جاں بحق

مہمند ایجنسی میں پولیو ٹیم پر حملے میں 2 رضاکار جاں بحق

مہمند ایجنسی: تحصیل صافی میں پولیو ٹیم پر حملے میں 2 رضاکار جاں بحق ہوگئے۔
ذرائع کے مطابق مہمند ایجنسی کی تحصیل صافی میں نامعلوم افراد نے پولیو ٹیم پر حملہ کیا۔ حملہ آوروں نے 7 رضاکاروں پر مشتمل پولیو ٹیم کو نشانہ بنایا۔ واقعے میں 2 پولیو ورکرز کے جاں بحق ہونے کی اطلاع ہے جبکہ 5 پولیو ورکرز محفوظ رہے جو بشمکل جان بچا کر محفوظ مقام پر پہنچنے میں کامیاب ہوئے۔ جاں بحق اہلکاروں کی شناخت ہوگئی ہے جن میں صلاح الدین اور واجد شامل ہیں۔
پولیو ٹیم پر حملے کے بعد ملزمان فرار ہونے میں کامیاب ہوگئے۔ سیکیورٹی فورسز کی بھاری نفری فوری جائے وقوعہ پر پہنچ گئی۔ ایف سی، لیویز اور خاصادار فورسز نے ملزمان کی گرفتاری کے لیے علاقے کو گھیرے میں لے کر سرچ آپریشن کردیا۔
دو ماہ قبل 18 جنوری کو بھی کوئٹہ کے علاقے شالکوٹ میں انسداد پولیو مہم کی ٹیم پر نامعلوم افراد نے فائرنگ کی تھی جس سے 2 رضاکار خواتین جاں بحق ہوگئیں تھیں۔

About Admin

Check Also

پاکستان کی پہلی ریموٹ سنسنگ سیٹلائٹ پی آرایس ایس1 نے کام شروع کردیا

اسلام آباد(مانیٹرنگ ڈیسک) پاکستان کی پہلی ریموٹ سنسنگ سیٹلائٹ (پی آر ایس ایس 1) نے …

Leave a Reply

Your email address will not be published. Required fields are marked *

%d bloggers like this: