Download http://bigtheme.net/joomla Free Templates Joomla! 3
Home / اہم ترین / نواز شریف کی والدہ کے ہمراہ بیگم کلثوم نواز کی قبر پر حاضری و فاتحہ خوانی

نواز شریف کی والدہ کے ہمراہ بیگم کلثوم نواز کی قبر پر حاضری و فاتحہ خوانی

سابق وزیراعظم نواز شریف نے اپنی اہلیہ بیگم کلثوم نواز کی قبر پر حاضری دی اور فاتحہ خوانی کی۔
کینسر کے مرض میں مبتلا بیگم کلثوم نواز 11 ستمبر کو لندن میں انتقال کرگئی تھیں، ان کی رسم قل اتوار کو ادا کی جائے گی۔
ایون فیلڈ ریفرنس میں قید کی سزا پانے والے نواز شریف، مریم نواز اور کیپٹن (ر) صفدر کو کلثوم نواز کی نماز جنازہ اور تدفین میں شرکت کیلئے پیرول پر رہائی دی گئی تھی۔
سابق وزیر اعظم نواز شریف نے والدہ کے ہمراہ بیگم کلثوم نوازکی قبر پرحاضری دی، قبر پرپھول چڑھائے اور فاتحہ خوانی کی جبکہ جاتی امرا میں بیگم کلثوم نواز کے انتقال پر تعزیت کیلئے آنے والوں کا سلسلہ بھی جاری ہے۔
نواز شریف کے بھائی شہباز شریف نے بھی بیگم کلثوم نواز کی تدفین میں شرکت کے لیے آنے والوں کا شکریہ ادا کرتے ہوئے کہا ہے کہ قوم کی دعاؤں نے دکھ کی اس گھڑی میں پورے خاندان کی ڈھارس بندھائی۔
شہباز شریف نے کہا کہ کلثوم نواز کی رسم قل میں صرف خاندان کے افراد ہی شریک ہوں گے،عوام اور ہمدرد کلثوم نواز کے لیے اپنے علاقوں میں ہی دعاؤں اور قرآن خوانی کا اہتمام کرکےجزائے خیر میں حصہ ڈالیں۔
شہباز شریف نے کہا کہ ‎رسم قل میں صرف شریف فیملی کی شرکت کا فیصلہ عوام اور ہمدردوں کو زحمت اور پریشانی سے بچانے کے لیے کیا گیا ہے۔

About Admin

Check Also

نواز شریف سزا معطلی؛ عدالتی فیصلے کا احترام کرتے ہیں، فواد چوہدری

اسلام آباد(مانیٹرنگ ڈیسک) وفاقی وزیراطلاعات فواد چوہدری کا کہنا ہے کہ عدالتوں کا مکمل احترام …

Leave a Reply

Your email address will not be published. Required fields are marked *

%d bloggers like this: