Download http://bigtheme.net/joomla Free Templates Joomla! 3
Home / اہم ترین / احسن اقبال کے خلاف توہین عدالت کا نوٹس خارج

احسن اقبال کے خلاف توہین عدالت کا نوٹس خارج

لاہور(مانیٹرنگ ڈیسک) ہائی کورٹ نے سابق وزیر داخلہ احسن اقبال کے خلاف توہین عدالت کا نوٹس خارج کردیا۔
جسٹس مظاہر علی اکبر نقوی کی سربراہی میں لاہور ہائی کورٹ کے 3 رکنی فل بینچ نے سابق وزیر داخلہ احسن اقبال کے خلاف توہین عدالت کیس کی سماعت کی۔ عدالت عالیہ نے احسن اقبال کا معافی نامہ منظور کرتے ہوئے توہین عدالت کا نوٹس خارج کردیا۔
عدالت عالیہ نے احسن اقبال سے مکالمے کے دوران ریمارکس دیئے کہ مخالفت کی سیاست اب ختم ہونی چاہیے، آپ ایک پڑھے لکھے اور سمجھدار انسان ہیں، سیاسی رہنماؤں میں آپ کا ایک مقام ہے، لوگوں کے لیے آپ کو رول ماڈل ہونا چاہیے، موجودہ حکمرانوں کو مخالف نہ سمجھیں، دوبارہ ایسی حرکت نہ کریں جس سے دوبارہ ایسی صورت حال پیدا ہو۔
احسن اقبال نے معزز عدالت کا شکریہ ادا کرتے ہوئے کہا کہ جذبات میں آکر کچھ کہہ گیا تھا لیکن اب میں آئندہ سے مزید محتاط ہو جاؤں گا۔
واضح رہے کہ احسن اقبال نے چند ماہ قبل چیف جسٹس آف پاکستان جسٹس ثاقب نثار پر تنقید کرتے ہوئے کہا تھا کہ ہماری بھی اتنی ہی عزت ہے جتنی کسی جج یا فوجی کی ہے تاہم اب بہت ہوگیا چیف جسٹس صاحب۔ اگر چیف جسٹس کی توہین ہوتی ہے تو میری بھی توہین ہوتی ہے، اگر میں نے کسی کو غلط لگادیا تو ثبوت دیں توہین نہ کریں۔

About Admin

Check Also

بھارتی آرمی چیف بھارتیہ جنتا پارٹی کے آلہ کار نہ بنیں، فوادچوہدری

اسلام آباد(مانیٹرنگ ڈیسک) وفاقی وزیراطلاعات فواد چوہدری نے کہا ہے کہ بھارتی آرمی چیف کو …

Leave a Reply

Your email address will not be published. Required fields are marked *

%d bloggers like this: