Download http://bigtheme.net/joomla Free Templates Joomla! 3
Home / بین الاقوامی / انڈونیشیا میں سیاحوں کی بس کو حادثہ، 21 افراد ہلاک

انڈونیشیا میں سیاحوں کی بس کو حادثہ، 21 افراد ہلاک

مغربی جاوا(مانیٹرنگ ڈیسک) سیاحوں کی بس کھائی میں جا گری جس کے نتیجے میں 21 افراد ہلاک اور متعدد زخمی ہو گئے۔

غیر ملکی خبر رساں ادارے کے مطابق انڈونیشیا کے صوبے مغربی جاوا کے ضلع سکابومی میں سیاحوں سے بھری بس تیز رفتاری کے باعث توازن کھو بیٹھی اور حادثے کا شکار ہوگئی۔

مقامی سیاحوں سے بھری بس تقریباً 100 فٹ گہری کھائی میں جا گری جس کے نتیجے میں 21 افراد ہلاک اور متعدد زخمی ہو گئے۔

ریسکیو اداروں کے مطابق حادثے کے وقت بس میں 37 سیاح سوار تھے جب کہ حادثے میں زخمی ہونے والے 9 افراد کی حالت تشویشناک ہے جنہیں اسپتالوں میں طبی امداد دی جارہی ہے۔

یاد رہے کہ انڈونیشیا میں خراب انفراسٹرکچر اور حفاظتی قواعد و ضوابط پر عمل در آمد نہ ہونے کے باعث آئے روز حادثات رونما ہوتے رہتے ہیں اور رواں سال فروری میں ہی مغربی جاوا میں سیاحوں کی بس کو حادثہ پیش آیا تھا جس میں 27 افراد ہلاک ہوئے تھے۔

About Admin

Check Also

پاکستان کے خلاف ایک اور سرجیکل سٹرائیک کی ضرورت ہے :بھارتی آرمی چیف

نئی دہلی (مانیٹرنگ ڈیسک ) بھارتی آرمی چیف بپن راوت نے کہا ہے کہ پاکستان …

Leave a Reply

Your email address will not be published. Required fields are marked *

%d bloggers like this: