Download http://bigtheme.net/joomla Free Templates Joomla! 3
Home / سائنس و ٹیکنالوجی / مرجانی چٹانوں کو بچانے والا زیرِ آب ٹرمنیٹر روبوٹ

مرجانی چٹانوں کو بچانے والا زیرِ آب ٹرمنیٹر روبوٹ

ایڈیلیڈ: پوری دنیا میں کورال رِیف (مرجانی چٹانیں) زندہ اجسام میں شمار کی جاتی ہیں اور یہاں انگنت سمندری جانور بستے اور پروان چڑھتےہیں۔ اب ان مرجانی چٹانوں کو بچانے کےلیے ایک خاص قسم کا روبوٹ تیار کیا گیا ہے۔
رینجربوٹ نامی ڈرون آسٹریلیا کی گریٹ بیریئر رِیف میں آزمایا جارہا ہے جو مرجانی چٹانوں کا محافظ بنتے ہوئے اس کی سب سے بڑی دشمن کراؤن آف تھورن اسٹار فش کو چن چن کر ختم کرتا ہے۔
اگرچہ تھورن اسٹار فِش عام حالات میں مرجانی چٹانوں کا حصہ ہوتی ہیں لیکن یہ بڑے رغبت سے مرجانی چٹانوں کو چٹ کرجاتی ہیں جس سے کورال تیزی سے تباہ ہونے لگتے ہیں۔ اس کے علاوہ بھی ہر تھوڑے برس بعد اسٹار فِش اپنی تعداد تیزی سے بڑھاتی ہیں۔
2015 میں ورلڈ وائیڈ فنڈ فار نیچر (ڈبلیو ڈبلیو ایف) کی جاری کردہ رپورٹوں کے مطابق دنیا بھر میں جس تیزی سے کورال تباہ ہورہے ہیں اس میں 40 فیصد کردار کراؤن آف تھورن اسٹارفِش کا ہے ۔ اسی لیے اس خوفناک مچھلی کو ختم کرنے والے روبوٹ کو ٹرمنیٹر کا نام دیا گیا ہے جس کا نیا ماڈل کوئنزلینڈ یونیورسٹی، گوگل اور گریٹ بیریئر ریف فاؤنڈیشن نے مشترکہ طور پر تیار کیا ہے۔ایک تار کے ذریعے کنٹرول ہونے والا ٹرمنیٹر ڈرون مرجان پر رینگتی ہوئی اسٹارفِش کو 99 فیصد درستگی تک شناخت کرتا ہے۔ اس کے بعد اپنے خاص بازو سے مچھلی میں نمک بھرا محلول داخل کرتا ہے جس سے مچھلی 48 گھنٹوں میں مرجاتی ہے۔
ایک مرتبہ چارج ہونے کے بعد روبوٹ اگلے 8 گھنٹے تک پانی کے اندر کام کرتا رہتا ہے جو انسانی استعداد سے بھی تین گنا زیادہ ہے۔

About Admin

Check Also

جاپان کی خلائی روبوٹ گاڑیوں کی ’ریوگو‘ سیارچے پر چہل قدمی

ٹوکیو(مانیٹرنگ ڈیسک) جاپان کی روبوٹ خلائی گاڑیاں تین سال تک مسلسل سفر کرنے کے بعد …

Leave a Reply

Your email address will not be published. Required fields are marked *

%d bloggers like this: