Download http://bigtheme.net/joomla Free Templates Joomla! 3
Home / اہم ترین / شہریار آفریدی کو وزیرمملکت برائے داخلہ بنانے کا فیصلہ

شہریار آفریدی کو وزیرمملکت برائے داخلہ بنانے کا فیصلہ

اسلام آباد(مانیٹرنگ ڈیسک) وزیراعظم عمران خان نے پی ٹی آئی رہنما شہریار آفریدی کو وزیرمملکت برائے داخلہ بنانے کا فیصلہ کیا ہے۔
وزیراعظم عمران خان نے کابینہ میں توسیع کرنے کا فیصلہ کرتے ہوئے پی ٹی آئی رہنما شہریار آفریدی کو وزیرمملکت برائے داخلہ بنانے کا فیصلہ کیا ہے اور اس حوالے سے نوٹی فکیشن جلد جاری کیے جانے کا امکان ہے۔
واضح رہے کہ شہریار آفریدی کا تعلق خیبر پختونخوا سے ہے اور 2018 کے الیکشن میں انہوں نے این اے 32 کوہاٹ سے تحریک انصاف کے ٹکٹ پر کامیابی حاصل کی تھی۔
وزیراعظم عمران خان کی 21 رکنی کابینہ 15 وزرا اور 5 مشیروں پر مشتمل ہے۔ پرویز خٹک کو وزارت دفاع، اسد عمر کو خزانہ، فروغ نسیم کو قانون و انصاف، شاہ محمود قریشی کو خارجہ، شیخ رشید احمد کو ریلوے ، فواد چوہدری کو اطلاعات و نشریات، شیریں مزاری کو انسانی حقوق، نورالحق قادری کو مذہبی امور اور غلام سرور خان کو وزارت پیٹرولیم کا قلمدان دیا گیا ہے۔
زبیدہ جلال وزیر دفاعی پیداوار، فہمیدہ مرزا وزیر برائے بین الصوبائی رابطہ، ایم کیو ایم کے خالد مقبول صدیقی وزیر انفارمیشن ٹیکنالوجی، شفقت محمود وزیر برائے تعلیم و قومی ورثہ، عامرکیانی وزیر صحت اور طارق بشیر کو وزیر سیفران بنایا گیا ہے۔
عمران خان کی کابینہ میں 5 مشیر بھی شامل ہیں جن میں محمد شہزاد ارباب کو اسٹیبلشمنٹ ڈویژن، عبدالرزاق داؤد کو کامرس، ٹیکسٹائل، انڈسٹری پروڈکشن اور انویسٹمنٹ، ڈاکٹر عشرت حسین کو ادارہ جاتی اصلاحات، امین اسلم کو موسمیاتی تبدیلی اور بابر اعوان کو پارلیمانی امور کا مشیر لگایا گیا ہے۔

About Admin

Check Also

مبینہ دھاندلی کی تحقیقات، حکومت کا کمیٹی کی سربراہی خود کرنیکا فیصلہ

اسلام آباد: (دنیا نیوز) حکومت نے عام انتخابات 2018ء میں مبینہ دھاندلی کی تحقیقات کیلئے …

Leave a Reply

Your email address will not be published. Required fields are marked *

%d bloggers like this: