Download http://bigtheme.net/joomla Free Templates Joomla! 3
Home / اہم ترین / صدر نے وزیراعظم کی تقریب حلف برداری کے پیش نظر دورہ برطانیہ ملتوی کردیا

صدر نے وزیراعظم کی تقریب حلف برداری کے پیش نظر دورہ برطانیہ ملتوی کردیا

اسلام آباد(مانیٹرنگ ڈیسک) صدر مملکت ممنون حسین نے وزیراعظم کی تقریب حلف برداری کے پیش نظر دورہ برطانیہ ملتوی کر دیا۔
ذرائع ایوان صدر کے مطابق صدر ممنون حسین کی برطانیہ روانگی 15 اگست کو طے تھی جب کہ سرکاری دورے کے شیڈول کے مطابق صدر کی واپسی 19 اگست کو ہونا تھی تاہم تحریک انصاف نے صدر مملکت سے غیر ملکی دورے کو ملتوی کرنے کی درخواست کی تھی کیوں کہ انہی تاریخوں میں نئے وزیراعظم کی تقریب حلف برداری متوقع ہے۔
ایوان صدر ذرائع نے تصدیق کی ہے کہ صدر مملکت نے اپنا دورہ برطانیہ ملتوی کردیا ہے اور ایوان صدر وزیراعظم کی 16 سے 18 اگست کے دوران ہونے والی متوقع تقریب حلف برداری کے لیے تیار ہے۔
واضح رہے کہ نگراں وزیراعظم جسٹس (ر) ناصر الملک نے قومی اسمبلی کا پہلا اجلاس بلانے کی سمری صدر ممنون حسین کو ارسال کی تھی جس میں نئی اسمبلی کا اجلاس 13 اگست کو بلانے کی تجویز دی گئی تھی۔
صدر مملکت نے سمری منظور کرتے ہوئے قومی اسمبلی کا پہلا 13 اگست کو اجلاس طلب کرلیا ہے جس میں نومنتخب ارکان حلف اٹھائیں گے جس کے بعد اسپیکر اور ڈپٹی اسپیکر کے انتخاب کا مرحلہ آئے گا۔

About Admin

Check Also

پاکستان کی پہلی ریموٹ سنسنگ سیٹلائٹ پی آرایس ایس1 نے کام شروع کردیا

اسلام آباد(مانیٹرنگ ڈیسک) پاکستان کی پہلی ریموٹ سنسنگ سیٹلائٹ (پی آر ایس ایس 1) نے …

Leave a Reply

Your email address will not be published. Required fields are marked *

%d bloggers like this: