Download http://bigtheme.net/joomla Free Templates Joomla! 3
Home / شوبز / پاکستان اور بھارت کے درمیان جنگ ہونا کوئی حل نہیں، شبانہ اعظمی

پاکستان اور بھارت کے درمیان جنگ ہونا کوئی حل نہیں، شبانہ اعظمی

بھارتی اداکارہ شبانہ اعظمی نے پاک-بھارت تنازعات کے حوالے سے گفتگو کرتے ہوئے کہا ہے کہ دونوں ملکوں کے درمیان جنگ ہونا کوئی حل نہیں ہے۔
بھارتی میڈیا کی ایک رپورٹ کے مطابق نیوز 18 کی جانب سے منعقد کیے گئے سیشن کے دوران گفتگو کرتے ہوئے شبانہ اعظمی کا کہنا تھا کہ پاکستانی اور بھارتی عوام کے درمیان رابطے موثر ہونے چاہئیں اور ہمیں آپس میں بات چیت کو فروغ دے کر خیالات کا تبادلہ کرتے رہنا چاہیے۔
ان کا کہنا تھا کہ پاکستان اور بھارت کے درمیان طلباء کے لیے کلچرل ایکسچینج پروگرام کا بھی انعقاد ہونا چاہیے تاکہ نوجوانوں کو ایک دوسرے کے بارے میں جاننے کا موقع ملے۔
شبانہ اعظمی نے بتایا کہ دونوں ملکوں کے عوام کرکٹ میچ کے دوران ایک دوسرے کے خلاف ہوتے ہیں لیکن فلم ایک ایسا راستہ ہے جو فنکاروں کے ذریعے محبت، امن اور بھائی چارہ پیدا کرسکتا ہے۔
ان کا کہنا تھا کہ دونوں ملکوں کی جانب سے مشترکہ طور پر ایسی فلمیں زیادہ بنائی جانی چاہئیں، جن سے محبت اور امن پھیلے۔
اداکارہ کا مزید کہنا تھا کہ پاک-بھارت تنازعات کا حل کبھی بھی جنگ نہیں ہوسکتا، اس سے بہتر اور موثر طریقہ یہ ہے کہ بات چیت سے معاملات حل کیے جائیں تاکہ امن و سلامتی اور استحکام قائم ہوسکے۔
واضح رہے کہ اداکارہ شبانہ اعظمی انسانی حقوق، بچوں اور خواتین کے حقوق کے لیے سرگرم ہیں اور اکثر اپنی خدمات سرانجام دیتی رہتی ہیں۔

About Admin

Check Also

کرشمہ کپور کی 6 سال بعد اسکرین پر واپسی

ممبئی (مانیٹرنگ ڈیسک) نامور بالی ووڈ اداکارہ کرشمہ کپور 6 سال بعد چھوٹی اسکرین سے …

Leave a Reply

Your email address will not be published. Required fields are marked *

%d bloggers like this: