Download http://bigtheme.net/joomla Free Templates Joomla! 3
Home / کھیل کود / پاکستان نے زمبابوے کو دوسرے ون ڈے میں شکست دیدی

پاکستان نے زمبابوے کو دوسرے ون ڈے میں شکست دیدی

بولاوایو(مانیٹرنگ ڈیسک) پاکستان نے دوسرے ایک روزہ میچ میں فخرزمان کی شاندار سنچری کی بدولت زمبابوے کو 9 وکٹ سے شکست دیدی۔
بولاوایو میں کھیلے گئے پاکستان اور زمبابوے کے درمیان پانچ ایک روزہ میچوں کی سیریز پر مشتمل دوسرے میچ میں پاکستان کو جیت کیلیے 195 رنز کا ہدف ملا جو قومی ٹیم نے صرف ایک وکٹ کے نقصان پر 36 اوور میں ہی پورا کرلیا۔
قومی ٹیم کی جانب سے فخرزمان اور امام الحق نے 119 رنز کا عمدہ آغاز فراہم کیا تاہم پہلے میچ کے سنچری میکر امام الحق 44 رنز پر رن آؤٹ ہوکر پویلین واپس لوٹ گئے جس کے بعد بابر اعظم بیٹنگ کے لیے آئے۔ اس دوران ان فارم فخرزمان نے گراؤںڈ کے چاروں اطراف دلکش اسٹروکس کھیلے اور ون ڈے میں اپنی دوسری سنچری مکمل کی۔ میچ کے اختتام پر فخرزمان 117 اور بابر اعظم 29 رنز کے ساتھ ناٹ آؤٹ رہے۔
اس سے قبل زمبابوے نے ٹاس جیت کر پہلے بیٹنگ کا فیصلہ کیا تو زمبابوے کی جانب سے اننگز کا آغاز برا چاری اور چامو چبھابھا نے کیا تاہم دونوں اوپنرز صرف 18 رنز پر پویلین واپس لوٹ گئے، اوپنرز کے آؤٹ ہونے کے بعد مساکانڈا اور مساکاڈزا نے ٹیم کو سنبھالا اور اسکور آگے بڑھایا۔ مساکاڈزا نے 59 اور مساکانڈا نے 24 رنز بنائے اور آؤٹ ہوگئے۔
مساکاڈزا اور مساکانڈا کے درمیان 65 رنز کی شراکت قائم ہوئی جس کے بعد پیٹر مورے نے اسکور آگے بڑھایا اور نصف سنچری اسکور کی تاہم اس کے علاوہ زمبابوے کا کوئی بھی کھلاڑی زیادہ دیر وکٹ پر کھڑا نہ رہ سکا اور پوری ٹیم 49.2 اوورز میں 194 رنز بناکر آؤٹ ہوگئی۔
واضح رہے کہ اس سے قبل بولاوایو کے کوئنز اسپورٹس کلب میں کھیلے گئے پہلے ون ڈے میچ میں گرین شرٹس نے زمبابوے کو 201 رنز کے بڑے مارجن سے شکست دی تھی۔

About Admin

Check Also

بھارت پر مہربانیاں: سرفراز احمد کو ایشیا کپ کے شیڈول پر اعتراض

پاکستان کرکٹ کپتان سرفراز احمد نے ایشیا کپ کے شیڈول پر تحفظات ظاہر کرتے ہوئے …

Leave a Reply

Your email address will not be published. Required fields are marked *

%d bloggers like this: