Download http://bigtheme.net/joomla Free Templates Joomla! 3
Home / اہم ترین / امن کے سفرمیں طویل فاصلہ طے کرچکے اب منزل دور نہیں، آرمی چیف

امن کے سفرمیں طویل فاصلہ طے کرچکے اب منزل دور نہیں، آرمی چیف

پشاور(مانیٹرنگ ڈیسک) آرمی چیف جنرل قمر جاوید باجوہ کا کہنا ہے کہ ہم امن کے پر آزمائش سفر میں طویل فاصلہ طے کرچکے ہیں اور انشاء اللہ منزل اب زیادہ دور نہیں۔
نجی ٹی وی کے مطابق سربراہ پاک فوج جنرل قمر جاوید باجوہ شہید ہارون بلور کے گھر پہنچے جہاں انہوں نے ہارون بلور کے اہل خانہ سے تعزیت کی، اس دوران ڈی جی آئی ایس پی آر اور کور کمانڈر پشاور بھی آرمی چیف کے ہمراہ تھے۔
اس موقع پر آرمی چیف جنرل قمر جاوید باجوہ کا کہنا تھا کہ بلور فیملی قربانیوں کے ساتھ دہشت گردی کے خلاف جنگ میں پورے عزم سے کھڑی ہے، ہم امن کے پر آزمائش سفر میں طویل فاصلہ طے کرچکے ہیں اور نفرت و انتشار پھیلانے والوں کے خلاف بلا امتیاز متحد کھڑے ہیں، انشاء اللہ منزل اب زیادہ دور نہیں۔

دوسری جانب شہید ہارون بلور کے اہل خانہ سے اظہار تعزیت کے لیے آنے والے افراد کا سلسلہ جاری ہے۔ سابق وزیراعلیٰ خیبرپختونخوا پرویزخٹک، سکندر شیرپاؤ اور کمانڈنٹ ایف سی لیاقت علی سمیت دیگر افراد بھی بلور ہاؤس پہنچے اور ہارون بلور کے اہل خانہ سے تعزیت کی۔واضح رہے کہ منگل کے روز پشاور میں عوامی نیشنل پارٹی کی انتخابی مہم کے دوران خودکش دھماکا ہوا تھا جس میں اے این پی کے مرحوم رہنما بشیر بلور کے بیٹے ہارون بلور سمیت 20 افراد شہید ہوگئے تھے۔

About Admin

Check Also

آرمی چیف سے ایرانی چیف آف جنرل اسٹاف جنرل باقری کی ملاقات

راولپنڈی (مانیٹرنگ ڈیسک) آرمی چیف جنرل قمرجاوید باجوہ سے ایرانی چیف آف جنرل اسٹاف میجر …

Leave a Reply

Your email address will not be published. Required fields are marked *

%d bloggers like this: