Download http://bigtheme.net/joomla Free Templates Joomla! 3
Home / پاکستان / آشیانہ ہاؤسنگ اسکینڈل؛ احد چیمہ سمیت 6 ملزمان کے ریمانڈ میں توسیع

آشیانہ ہاؤسنگ اسکینڈل؛ احد چیمہ سمیت 6 ملزمان کے ریمانڈ میں توسیع

لاہور: احتساب عدالت نے آشیانہ اقبال اسکینڈل میں ملوث سابق ڈی جی ایل ڈی احد چیمہ سمیت 6 ملزمان کے جوڈیشل ریمانڈ میں 9 روز کی توسیع کردی۔
نجی ٹی وی کے مطابق لاہور میں احتساب عدالت کے جج چوہدری منیر نے آشیانہ ہاؤسنگ اسکینڈل کیس کی سماعت کی۔ نیب نے موقف اختیار کیا کہ ملزمان نے قومی خزانے کو بڑے پیمانے پر نقصان پہنچایا ہے۔ آشیانہ ہاؤسنگ اسکینڈل میں احد چیمہ نے کروڑوں روپے کی کرپشن کی، اس حوالے سے 61 ہزار شہریوں نے درخواستیں جمع کروائی ہیں۔ عدالت نے احد چیمہ سمیت 6 ملزمان کے جوڈیشل ریمانڈ میں 9 روز کی توسیع کرتے ہوئے تمام ملزمان کو 13 جولائی کو دوبارہ پیش کرنے کا حکم دے دیا۔
واضح رہے کہ آشیانہ ہاؤسنگ اسکینڈل سے متعلق نیب ریفرنس 3 ہزار سے زائد صفحات پر مشتمل ہے، جس میں نجی کمپنی کے مالک شاہد شفیق، ایل ڈی اے کے چیف انجینیئر اسرار سعید،چیف ایگزیکٹو آفیسر پی ایل ڈی سی امیتاز حیدر اور سابق چیف ایگزیکٹو پی ایل ڈی سی عارف مجید بٹ کو بھی ملزم قرار دیا گیا ہے۔

About Admin

Check Also

نواز شریف سزا معطلی؛ عدالتی فیصلے کا احترام کرتے ہیں، فواد چوہدری

اسلام آباد(مانیٹرنگ ڈیسک) وفاقی وزیراطلاعات فواد چوہدری کا کہنا ہے کہ عدالتوں کا مکمل احترام …

Leave a Reply

Your email address will not be published. Required fields are marked *

%d bloggers like this: