Download http://bigtheme.net/joomla Free Templates Joomla! 3
Home / کھیل کود / سہ ملکی ٹی 20 سیریز؛ آسٹریلیا نے پاکستان کو 9 وکٹوں سے شکست دیدی

سہ ملکی ٹی 20 سیریز؛ آسٹریلیا نے پاکستان کو 9 وکٹوں سے شکست دیدی

ہرارے: سہ ملکی ٹی 20 سیریز کے دوسرے میچ میں آسٹریلیا نے پاکستان کو 9 وکٹوں سے شکست دیدی۔
زمبابوے کے شہر ہرارے میں پاکستان اور آسٹریلیا کے درمیان کھیلے گئے سہ ملکی ٹی 20 سیریز کے دوسرے میچ میں آسٹریلیا نے پاکستان کو 9 وکٹوں سے شکست دیدی۔
پاکستان کی جانب سے آسٹریلیا کو جیت کے لیے 117 رنز کا ہدف دیا گیا جس کے جواب میں آسٹریلیا کی جانب سے اننگز کا آغاز جان شاٹ اور ایرون فنچ نے کیا، 35 کے مجموعی اسکور پر آسٹریلیا کی پہلی وکٹ گری جب جان شاٹ 15 رنز بنانے کے بعد آؤٹ ہوگئے تاہم ایرون فنچ نے جارحانہ کھیل پیش کیا اور ناقابل شکست68 رنز کی اننگز کھیلی۔
ایرون فنچ کی شاندار بیٹنگ کے بدولت آسٹریلیا نے مقررہ ہدف ایک وکٹ کے نقصان پر 10.5 اوور میں حاصل کرلیا۔
اس سے قبل آسٹریلیا نے ٹاس جیت کر پہلے فیلڈنگ کا فیصلہ کیا تو پاکستان کی جانب سے اننگز کا آغاز محمد حفیظ اور فخر زمان نے کیا، اوپنرز قومی ٹیم کو اچھا آغاز فراہم کرنے میں ناکام رہے اور محمد حفیظ تیسری گیند پر صفر کے مجموعے پر چلتے بنے جب کہ بعد میں آنے والے حسین طلعت اور اوپنر فخرزمان بھی صرف 19 رنز کے اضافے کے بعد آؤٹ ہوگئے۔
آسٹریلوی بولنگ کے آگے کوئی بھی پاکستانی کھلاڑی زیادہ دیر تک کھڑا نہ رہ سکا اور وقفے وقفے سے پاکستان کی وکٹیں گرتی رہیں، کپتان سرفراز احمد نے صرف 4 رنز بنائے جب کہ شعیب ملک 13 رنز بنانے کے بعد رن آؤٹ ہوگئے۔ پاکستان کی جانب سے شاداب خان نے سب سے زیادہ 29 رنز کی اننگز کھیلی جب کہ آصف علی اور فہیم اشرف نے بالترتیب 22 اور 21 رنز بنائے۔
آسٹریلوی بولرز کی شاندار بولنگ کے باعث قومی ٹیم 19.5 اوورز میں 116 رنز بناکر آؤٹ ہوگئی۔ آسٹریلیا کی جانب سے اسٹینلیک نے 4، آنڈریو ٹائی نے 3 وکٹیں حاصل کیں۔
واضح رہے کہ گزشتہ روز سہ ملکی ٹی 20 سیریز کے پہلے میچ میں پاکستان نے زمبابوے کو 74 رنز سے شکست دی تھی۔

About Admin

Check Also

بھارت پر مہربانیاں: سرفراز احمد کو ایشیا کپ کے شیڈول پر اعتراض

پاکستان کرکٹ کپتان سرفراز احمد نے ایشیا کپ کے شیڈول پر تحفظات ظاہر کرتے ہوئے …

Leave a Reply

Your email address will not be published. Required fields are marked *

%d bloggers like this: