Download http://bigtheme.net/joomla Free Templates Joomla! 3
Home / کھیل کود / شعیب ثانیہ نے اپنے ہونے والے بچے کا نام بتادیا

شعیب ثانیہ نے اپنے ہونے والے بچے کا نام بتادیا

نئی دہلی: ٹینس اور کرکٹ کی شاندار جوڑی شعیب ملک اور ثانیہ مرزا نے اپنے ہونے والے بچےکا نام بتادیا۔
بھارتی ٹینس اسٹار ثانیہ مرزا اور پاکستان کرکٹر شعیب ملک کا شمار پاک بھارت کی خوبصورت جوڑیوں میں ہوتا ہے۔ دونوں کو شادی کے خوبصورت بندھن میں بندھے تقریباً 8 سال ہوچکے ہیں، لیکن ابھی تک دونوں والدین کے عہدے پر فائز نہیں ہوسکے ہیں، تاہم ان کے مداح جاننا چاہتے ہیں کہ شعیب ثانیہ کے گھر بیٹی ہوگی یا بیٹا اور دونوں اپنے بچے کاکیا نام رکھیں گے۔ اور اب ان کے چاہنے والوں کا انتظار ختم ہوا کیونکہ خود ثانیہ مرزا نے کہا ہے کہ انہوں نے اور ان کے شوہر شعیب ملک نے فیصلہ کیا ہے کہ ان کے ہونے والے بچے کا خاندانی نام ’’مرزاملک‘‘ ہوگا۔
بھارتی شہر گوا میں ’’گوا فیسٹ 2018‘‘کی تقریب میں صنفی تعصب کے مباحثے میں حصہ لیتے ہوئے ثانیہ مرزا نے اپنی نجی زندگی اور مستقبل کے بارے میں کئی رازوں سے پردہ اٹھاتے ہوئے کہا کہ میرے شوہر شعیب ملک چاہتے ہیں کہ ہمارے گھر بیٹی ہو، لیکن ہم دونوں نے مل کر فیصلہ کیا ہے کہ ہمارے گھر جب بھی اولاد ہوگی اس کا خاندانی نام صرف ملک نہیں بلکہ ’’مرزا ملک‘‘ہوگا۔ تقریب کے دوران ثانیہ نے صنفی تعصب کے حوالے سے اپنا تجربہ بیان کرتے ہوئے کہا ہم دوبہنیں ہیں، میں نے کئی بار رشتے داروں کو اپنے والدین سے کہتے سنااگر ہمارے گھربیٹا ہوتاتو ہمارا خاندانی نام آگے بڑھتا۔ تاہم ہم دونوں بہنوں کو بھائی کی کبھی خواہش نہیں ہوئی، یہاں تک کہ میں اپنے رشتے داروں سے اس بات پر لڑتی تھی کہ وہ کیوں ہمارے والدین پرزور دیتے ہیں کہ ہمارے گھر بیٹا ہو۔ ہمیں ہمارے خاندانی نام کو آگے بڑھانے کیلئے بیٹے کی ضرورت نہیں۔ثانیہ نے مزید کہا شادی کے بعد میں نے اپنا خاندانی نام تبدیل نہیں کیااور ابھی تک مجھے ثانیہ مرزا کے نام سے ہی پکارا جاتا ہےاور اس طرح ہمارا خاندانی نام آگے بڑھ رہا ہے۔ ٹینس اسٹار کا مزید کہنا تھا کہ کھیلوں کے مقابلے میں آج بھی خواتین اور مردوں میں پیسوں کی تقسیم پر امتیاز برتا جاتا ہے۔

About Admin

Check Also

ثانیہ مرزا اور شعیب ملک کے گھر ننھے مہمان کی آمد متوقع

شعیب ملک اور ثانیہ مرزا نے سماجی رابطے کی ویب سائٹ ٹوئٹر پر انتہائی دلچسپ …

Leave a Reply

Your email address will not be published. Required fields are marked *

%d bloggers like this: