Download http://bigtheme.net/joomla Free Templates Joomla! 3
Home / دلچسپ و عجیب / گرل فرینڈ ڈھونڈنے کی خاطرنوجوان نے گرلز یونیورسٹی میں داخلہ لے لیا

گرل فرینڈ ڈھونڈنے کی خاطرنوجوان نے گرلز یونیورسٹی میں داخلہ لے لیا

بیجنگ: چین میں ایک نوجوان نے گرل فرینڈ ڈھونڈنے کی خاطر لڑکیوں کی یونیورسٹی میں داخلہ لے لیا۔
چین کی حکومت نے ملک میں صرف ایک بچہ پیدا کرنے کی پالیسی کے ذریعے آبادی پر تو کنٹرول حاصل کرلیا لیکن اس کی وجہ سے دیگر بہت سے مسائل پیدا ہوئے ہیں، اسی پالیسی کی وجہ سے بہت سے شہروں میں 100 لڑکیوں کے مقابلے میں لڑکوں کی تعداد 130 ہے جس کی وجہ سے لڑکوں کو اپنا لائف پارٹنر ڈھونڈنے میں بے پناہ مسائل کا سامنا کرنا پڑتا ہے جس کا حل ڈھونڈنے کے لیے ایک چینی نوجوان نے منفرد طریقہ کار اختیار کیا۔
چین کے دارالحکومت بیجنگ میں لڑکیوں کی یونیورسٹی کی جانب سے ایک ویڈیو شیئر کی گئی جس میں 18 سالہ لڑکے کو داخلہ لیتے ہوئے دکھایا گیا اور جب نوجوان سے پوچھا گیا کہ وہ لڑکیوں کی یونیورسٹی میں کیوں داخلہ لینا چاہتا ہے تو اس نے یہ اعتراف کرنے میں دیر نہیں کی کہ دراصل وہ یہاں اس لیے تعلیم حاصل کرنا چاہتا ہے کہ اسے گرل فرینڈ بنانے میں مشکل کا سامنا نہ کرنا پڑے۔
نوجوان کا کہنا تھا کہ چونکہ یہاں بہت ساری لڑکیاں تعلیم حاصل کرتی ہیں اس لیے مجھے اپنے لیے جیون ساتھی چننے میں آسانی ہوگی لیکن میرے والد میرے حوالے سے بہت پریشان ہیں کیوں کہ انہیں لگتا ہے کہ ایک لڑکے کے لیے ایسے ماحول میں تعلیم حاصل کرنا جہاں چاروں طرف لڑکیاں موجود ہوں، لڑکے میں تبدیلی کا باعث بھی بن سکتا ہے۔
واضح رہے کہ بیجنگ میں قائم لڑکیوں کی یونیورسٹی ہر سال 15 لڑکوں کو داخلے کا موقع فراہم کرتی ہے جو 1500 لڑکیوں کے ساتھ تعلیم حاصل کرتے ہیں اور اس کے لیے انہیں انٹرویو کے سخت مرحلے سے گزرنا پڑتا ہے تاہم ایسا پہلی بار ہوا ہے کہ کسی لڑکے نے علی الاعلان یہ کہہ کر داخلہ لیا ہے کہ وہ لڑکی ڈھونڈے کی خواہش میں یہاں پڑھنا چاہتا ہے اور یونیورسٹی انتظامیہ نے اس موقف کے بعد بھی لڑکے کو داخلہ دے دیا۔

About Admin

Check Also

امریکا میں ’خونی فیشل‘ کرنے والا بیوٹی پارلر بند

میکسیکو(مانیٹرنگ ڈیسک) امریکا میں بیماریوں اور انفیکشن کے خطرے کے تحت ایک بیوٹی پارلر بند …

Leave a Reply

Your email address will not be published. Required fields are marked *

%d bloggers like this: