Download http://bigtheme.net/joomla Free Templates Joomla! 3
Home / کھیل کود / ویسٹ انڈیز سے سیریز؛ لاہور میں انعقاد کھٹائی میں پڑنے کا خدشہ

ویسٹ انڈیز سے سیریز؛ لاہور میں انعقاد کھٹائی میں پڑنے کا خدشہ

لاہور: پاکستان اور ویسٹ انڈیز کے درمیان لاہور میں ٹی ٹوئنٹی سیریزکھٹائی میں پڑجانے کا خدشہ ہے جب کہ معاوضے میں اضافے کے خواہاں کیریبیئن بورڈ نے ابھی تک حتمی تصدیق نہیں کی۔
پاکستان اور ویسٹ انڈیز کے مابین مسلسل 5سال سیریز کھیلنے کے بارے میں بات چیت ہوئی تھی، بعدازاں چیئرمین پی سی بی نے گزشتہ دنوں میڈیا سے بات کرتے ہوئے کہا کہ 5 سیریز ممکن نہیں ہوسکیں گی، تاہم کیریبیئنز رواں سال مارچ میں 3میچز کی ٹی ٹوئنٹی سیریز کھیلنے کیلیے لاہور آئیں گے، جواب میں پاکستان ٹیم امریکا میں سہ ملکی ٹورنامنٹ کھیلے گی۔
پی سی بی ذرائع کے مطابق ویسٹ انڈیز بورڈ کے چیئرمین ڈیوڈ کیمرون نے ورلڈ الیون کیخلاف سیریز کے دوران لاہور کا دورہ کیا تھا تاہم متعدد میٹنگز کے باوجود ابھی تک میچز کی تصدیق نہیں کی۔
واضح رہے کہ ویسٹ انڈین ٹیم کو دورہ پاکستان سے چند روز قبل زمبابوے میں ورلڈ کپ کوالیفائرز میں شرکت کرنا ہے۔ذرائع کا کہنا ہے کہ ویسٹ انڈین بورڈ سیریز کیلیے معاوضے میں اضافہ کا خواہش مند ہے،لاہور میں میچز منسوخ ہونے پراگست میں امریکا میں شیڈول سہ ملکی ٹورنامنٹ بھی خطرے میں پڑجائے گا کیونکہ پی سی بی نے وہاں ہونے والے7 ٹی ٹوئنٹی میچز کیلیے میزبان ویسٹ انڈین بورڈ سے اپنا حصہ بھی مانگا ہے۔
ذرائع کا کہنا ہے کہ ویسٹ انڈیز کے دورہ پاکستان کا فیصلہ ایک سے ڈیڑھ ہفتے میں متوقع ہے،فی الحال کچھ بھی یقینی طور پر نہیں کہا جاسکتا۔

About Admin

Check Also

ورلڈ جونیئر ریسلنگ، 6 رکنی قومی دستہ شرکت کیلیے بھارت روانہ

لاہور(مانیٹرنگ ڈیسک) ورلڈ جونیئر ریسلنگ چیمپئن شپ میں شرکت کیلیے 6 رکنی قومی دستہ واہگہ …

Leave a Reply

Your email address will not be published. Required fields are marked *

%d bloggers like this: