Download http://bigtheme.net/joomla Free Templates Joomla! 3
Home / بین الاقوامی / جرمنی میں بچوں سے زیادتی پر پادری مجرم قرار

جرمنی میں بچوں سے زیادتی پر پادری مجرم قرار

برلن: جرمنی میں مقامی عدالت نےکم عمر بچوں کے ساتھ جنسی زیادتی کرنے کے جرم میں ایک سابق پادری کو ساڑھے آٹھ برس قید کی سزا سنادی پادری پر بچوں کی فحش فلمیں رکھنے کاالزام بھی ثابت ہواہے۔
بین الاقوامی میڈیا کے مطابق جرمنی کے شہر ڈیگن ڈروف کی مقامی عدالت نے ایک سابق پادری کو بچوں کے ساتھ جنسی زیادتی کرنے کے جرم میں ساڑھے آٹھ برس قید کی سزا سنائی ہے۔
فیصلے کےمطابق مجرم نے 1990 کے بعد سے پانچ بچوں کے ساتھ سو سے زائد مرتبہ جنسی زیادتی کی۔ اس کے علاوہ اسے بچوں کو جسمانی طور پر نقصان پہنچانے، دستاویزات میں گڑبڑ کرنے، بچوں کی فحش فلمیں رکھنے اور ایک 18 سالہ لڑکی سے زیادتی کی کوشش کا الزام بھی ثابت ہوا ہے۔
عدالت کی جانب سے پادری کا نام خفیہ رکھاگیا ہے لیکن جرمن میڈیا کے مطابق مجرم کا نام تھوماس ماریا بی ہے لیکن آزاد ذرائع سے اس کی تصدیق نہیں ہوسکی ہے۔ مقامی عدالت کے جج تھوماس ٹراؤٹ وائن نے فیصلے میں کہا ہے کہ سابق پادری کو سزا مکمل ہونے کے بعد بھی جیل میں رکھا جاسکتا ہے لیکن یہ فیصلہ اس کے نفسیاتی علاج کے نتائج کو مدنظر رکھتے ہوئے کیا جائےگا۔
واضح رہے کہ تھوماس ماریا بی نامی سابق پادری اس سے قبل بھی جنسی الزامات کے تحت 2003 سے 2009 تک جیل میں رہا ہے جب کہ 2008 میں چرچ کی ایک عدالت نے بھی مجرم سے پادری کا عہدہ واپس لے لیا تھا۔

About Admin

Check Also

syed ali gilani

کشمیریوں کے قتل عام پر عالمی برادری کی خاموشی تشویشناک ہے ، سید علی گیلانی

سرینگر (فارن ڈیسک) کل جماعتی حریت کانفرنس”گ“ گروپ کے چیئرمین سید علی گیلانی نے فوج …

Leave a Reply

Your email address will not be published. Required fields are marked *

%d bloggers like this: