Download http://bigtheme.net/joomla Free Templates Joomla! 3
Home / شوبز / لکس اسٹائل ایوارڈ کامیلہ ماہرہ خان، صبا قمر اور ہمایوں سعید نے لوٹ لیا

لکس اسٹائل ایوارڈ کامیلہ ماہرہ خان، صبا قمر اور ہمایوں سعید نے لوٹ لیا

کراچی: لکس اسٹائل ایوراڈ 2018 کا میلہ اداکارہ ماہرہ خان، صبا قمر، ہمایوں سعید اوراحد رضامیر نے لوٹ لیا۔
گزشتہ روز لاہور ایکسپوسینٹر میں لکس اسٹائل ایوارڈ 2018کی خوبصورت رنگارنگ تقریب سجائی گئی جس میں اداکارہ ماہرہ خان، ہمایوں سعید، احد رضامیر، سجل علی، جاوید شیخ، ماورا حسین سمیت پاکستانی شوبز اور فیشن انڈسٹری سے تعلق رکھنے والے اداکاروں نےشرکت کرکے تقریب کو چار چاند لگادئیے، جب کہ فنکاروں کی شاندار پرفارمنس نے لوگوں کو داد دینے پر مجبورکردیا۔
لکس اسٹائل ایوارڈ 2018 کی گزشتہ روز سجنے والی تقریب میں اداکار ہمایوں سعیدنے فلم ’’پنجاب نہیں جاؤں گی‘‘کیلئے بہترین اداکار کا ایوارڈ حاصل کیا۔گزشتہ برس کی طرح اس سال بھی اداکارہ ماہرہ خان سب پر بازی لے گئیں، ماہرہ خان کو فلم’’ورنہ‘‘کیلئے بہترین اداکارہ کے ایوارڈ سے نوازا گیا۔ہمایوں سعید اور مہوش حیات کی خوبصورت اور جاندار اداکاری سے سجی فلم ’’پنجاب نہیں جاؤں گی‘‘کو بہترین فلم کا ایوارڈ دیاگیا۔گلوکار راحت فتح علی خان کو فلم ’’ارتھ2‘‘کے گیت’’سواردے‘‘کیلئے بہترین گلوکار کے ایوارڈ سے نوازا گیا۔گلوکارہ آئمہ بیگ کو فلم ’’چھپن چھپائی‘‘کے گانے ’’صدقہ‘‘کیلئے بہترین گلوکارہ کاایوارڈ دیا گیا۔گلوکارہ آئمہ بیگ کو فلم ’’چھپن چھپائی‘‘کے گانے ’’صدقہ‘‘کیلئے بہترین گلوکارہ کاایوارڈ دیا گیا۔جب کہ اداکارہ صباقمر ڈرامہ سیریل’’باغی‘‘میں جاندار اداکاری کے باعث بہترین اداکارہ کا ایوارڈ لے اڑیں۔سوشل میڈیا اسٹار قندیل بلوچ کی زندگی پر مبنی ڈرامہ سیریل ’’باغی‘‘بہترین ڈرامہ قرارپایا۔بہترین سنگر آف دی ایئر کا ایوارڈ علی حمزہ، علی سیٹھی اور وقار احسن کو کوک اسٹوڈیو میں پیش کیے جانے والے گانے ’’تنک دھن‘‘کیلئے دیا گیا۔البم آف دی ایئر کا ایوارڈ حدیقہ کیانی کے البم ’’وجد‘‘کو دیاگیا۔ اس کے علاوہ ماڈل آف دی ایئرحسنین لہری اور آمنہ بابر قرار پائے۔

About Admin

Check Also

جنسی ہراسانی الزام، مومنہ مستحسن بھی سامنے آگئیں

کراچی: میشا شفیع کے بعد پاکستان کی معروف گلوکارہ مومنہ مستحسن نے بھی انکشاف کرتے …

Leave a Reply

Your email address will not be published. Required fields are marked *

%d bloggers like this: