Download http://bigtheme.net/joomla Free Templates Joomla! 3
Home / پاکستان / بہادرآباد گروپ نے فاروق ستار کے انٹرا پارٹی الیکشن کو غیر قانونی قرار دے دیا

بہادرآباد گروپ نے فاروق ستار کے انٹرا پارٹی الیکشن کو غیر قانونی قرار دے دیا

کراچی: متحدہ قومی موومنٹ (ایم کیو ایم) بہادرآباد گروپ نے فاروق ستار کے انٹرا پارٹی الیکشن کو غیر قانونی قرار دے کر مسترد کردیا جبکہ حیدرآباد ژونل کمیٹی کو بھی تحلیل کردیا گیا ہے۔
کراچی میں ایم کیو ایم بہادرآباد گروپ اور رابطہ کمیٹی نے ایم کیو ایم پی آئی بی اور فاروق ستار گروپ کی جانب سے کرائے جانے والے انٹرا پارٹی الیکشنز کو غیر قانونی قرار دے کر مسترد کردیا ہے۔
ترجمان ایم کیو ایم بہادرآباد کی طرف سے جاری بیان میں کہا گیا کہ پی آئی بی کے انٹرا پارٹی الیکشنز کو مسترد کرتے ہیں، یہ انتخابات غیر قانونی اور غیر تنظیمی ہیں، پارٹی آئین کے مطابق رابطہ کمیٹی کی دو تہائی اکثریت ہی پالیسی فیصلے کرسکتی ہے۔ ترجمان ایم کیو ایم بہادرآباد نے کہا کہ 22 اگست کے بعد بھی کسی فرد کو اکیلے اہم فیصلے کرنے کا اختیار نہیں دیا گیا تھا، بدقسمتی سے ڈاکٹر فاروق ستار کے مشیر انہیں گمراہ کر رہے ہیں۔
علاوہ ازیں ایم کیو ایم بہادرآباد نے انٹرا پارٹی الیکشنز میں حصہ لینے پر حیدرآباد ژونل کمیٹی کو تحلیل کردیا۔ ترجمان رابطہ کمیٹی بہادرآباد نے کہا کہ پارٹی نظم و ضبط کی سنگین خلاف ورزی پر ژونل کمیٹی کو تحلیل کیا گیا۔

About Admin

Check Also

نواز شریف، مریم اور صفدر کی سزا معطلی پر فیصلہ کل سنایا جائے گا

اسلام آباد ہائیکورٹ کے جج جسٹس اطہر من اللہ نے تحریری حکم جاری کیا ہے …

Leave a Reply

Your email address will not be published. Required fields are marked *

%d bloggers like this: