Download http://bigtheme.net/joomla Free Templates Joomla! 3
Home / پاکستان / جنوبی ایشیا میں امن کی تباہی کا ذمہ دار بھارت ہے، وزیر دفاع

جنوبی ایشیا میں امن کی تباہی کا ذمہ دار بھارت ہے، وزیر دفاع

اسلام آباد: وزیر دفاع خرم دستگیر نے کہا ہے کہ جنوبی ایشیا میں امن کی تباہی کا ذمہ دار بھارت ہے جو پاکستان کو عدم استحکام سے دوچار کرنے کے لیے تیسرے ملک کی زمین استعمال کر رہا ہے۔
نجی ٹی وی کے مطابق اپنے پالیسی بیان میں وزیر دفاع کا کہنا تھا کہ بھارت ریاستی سطح پر پاکستان کے خلاف جاسوسی کی کارروائیوں میں ملوث ہے جس کا عملی ثبوت بھارتی بحریہ کے حاضر سروس افسر کلبھوشن یادو کی گرفتاری اور اعترافی بیانات ہیں، کلبھوشن یادو کو رنگے ہاتھوں گرفتار کیا گیا تھا جو پاکستان کے خلاف جاسوسی کا نیٹ ورک چلا رہا تھا جب کہ بھارتی آرمی چیف کے بیانات پاکستان میں بھارتی مداخلت کے واضح ثبوت ہیں۔
خرم دستگیر نے کہا کہ بھارت لائن آف کنٹرول کی مسلسل خلاف ورزیاں کررہا ہے اور خطے میں امن کی تباہی کا ذمہ دار بھی ہے جو تیسرے ملک کو استعمال کرکے پاکستان کو غیر مستحکم کرنے کی کوشش کررہا ہے ساتھ ہی امریکا نے اس خطے میں چین کے خلاف بھارت کو اسٹریٹجک پارٹنر بنایا ہوا ہے۔
وزیردفاع نے بتایا کہ حکومت نے ترکی اور سعودی عرب کے ساتھ دفاعی تعاون بڑھادیا ہے جب کہ پاکستان نے روس کے ساتھ دفاعی معاہدہ کیا ہے۔

About Admin

Check Also

بلاول ہاؤس گرانے کا سوچ بھی نہیں سکتا، عمران اسماعیل

کراچی (مانیٹرنگ ڈیسک) پاکستان تحریک انصاف کی جانب سے نامزد گورنر سندھ عمران اسماعیل نے …

Leave a Reply

Your email address will not be published. Required fields are marked *

%d bloggers like this: