Download http://bigtheme.net/joomla Free Templates Joomla! 3
Home / اہم ترین / ایل او سی پر بھارتی فوج کی فائرنگ سے 3 شہری زخمی

ایل او سی پر بھارتی فوج کی فائرنگ سے 3 شہری زخمی

راولپنڈی: لائن آف کنٹرول کے مختلف علاقوں میں بھارتی فوج کی فائرنگ سے دو خواتین سمیت 3 افراد زخمی ہوگئے۔
پاک فوج کے شعبہ تعلقات عامہ (آئی ایس پی آر) کے مطابق بھارتی فوج نے ایک بار ہٹ دھرمی کا مظاہرہ کرتے ہوئے فائربندی معاہدے کی خلاف ورزی کی ہے۔ بھارتی فوج نے اشتعال انگیزی کا مظاہرہ کرتے ہوئے ایل او سی کے علاقوں کھوئی رٹہ، کوٹلی، بٹل اور راولا کوٹ سیکٹرز پر شدید فائرنگ کی جس کے نتیجے میں 3 افراد زخمی ہوگئے۔
آئی ایس پی آر کے مطابق زخمی ہونے والوں میں دو خواتین بھی شامل ہیں جنہیں طبی امداد کے لیے اسپتال منتقل کردیا گیا ہے۔ پاک فوج نے بھارتی اشتعال انگیزی کا منہ توڑ جواب دیتے ہوئے دشمن کی توپوں کو خاموش کرادیا۔
واضح رہے کہ حالیہ عرصے میں بھارت کی جانب سے نہ صرف کنٹرول لائن بلکہ ورکنگ باؤنڈری پر بھی فائرنگ اور گولہ باری کا سلسلہ شدید ہوگیا ہے جس کی وجہ سے بہت سے عام شہری شہید اور زخمی ہوگئے ہیں۔

About Admin

Check Also

نواز شریف سزا معطلی؛ عدالتی فیصلے کا احترام کرتے ہیں، فواد چوہدری

اسلام آباد(مانیٹرنگ ڈیسک) وفاقی وزیراطلاعات فواد چوہدری کا کہنا ہے کہ عدالتوں کا مکمل احترام …

Leave a Reply

Your email address will not be published. Required fields are marked *

%d bloggers like this: