Download http://bigtheme.net/joomla Free Templates Joomla! 3
Home / بین الاقوامی / بیت المقدس کے اہم مقامات کو اصل حالت میں برقرار رکھا جائے گا، امریکا

بیت المقدس کے اہم مقامات کو اصل حالت میں برقرار رکھا جائے گا، امریکا

قاہرہ: امریکا کے نائب صدر مائیک پنس نے کہا ہے کہ اسرائیل اور فلسطین دونوں کی رضامندی کی صورت میں امریکا دو ریاستی حل کے لیے تعاون کرے گا۔
ان خیالات کا اظہار امریکی نائب صدر مائیک پنس نے اپنے مشرق وسطیٰ کے دورے میں مصر کے صدر عبدالفتح السیسی سے قاہرہ میں ملاقات کے دوران کیا۔ امریکی نائب صدر نے مشرق وسطیٰ میں دہشت گردی کے خلاف جنگ میں مشترکہ محاذ کے عزم کا اظہار کرتے ہوئے کہا ہے کہ امریکا اس جنگ میں مصر کے شانہ بشانہ کھڑا ہے۔
خیال رہے کہ گذشتہ ایک عشرے میں کسی اعلیٰ امریکی عہدے دار کا مصرکا یہ پہلا دورہ ہے۔ مائک پنس کی جانب سے یہ پیشکش امریکی صدر ٹرمپ کی بیت المقدس کو اسرائیل کا دارالحکومت تسلیم کرنے کے فیصلے پر ایک اہم عرب ملک کو اپنا ہم خیال بنانے کی کوشش ہے۔
مائیک پنس اور عبدالفتاح السیسی کے درمیان ہونے والی ملاقات میں دونوں ملکوں کے درمیان دو طرفہ اقتصادی اور سیاسی تعلقات ، مشرقِ وسطیٰ کی صورت حال ، اسرائیل اور فلسطینیوں کے درمیان امن عمل اور داعش سمیت دہشت گردی کے خلاف جنگ میں تعاون کے حوالے سے تبادلہ خیال کیا گیا۔
نائب امریکی صدر نے عبدالفتح السیسی کو یقین دلایا کا امریکا بیت المقدس کے مقامات مقدسہ کو ان کی اصل حالت میں برقرار رکھنے کے لیے پرعزم ہے جبکہ مصری صدر کا کہنا تھا کہ اسرائیل اور فلسطین کے درمیان تنازع صرف دوریاستی حل کی بنیاد پرمذاکرات کے ذریعے طے کیا جاسکتا ہے۔

About Admin

Check Also

صدر ڈونلڈ ٹرمپ نے امریکی دفاعی بجٹ کی منظوری دے دی

واشنگٹن (مانیٹرنگ ڈیسک) امریکی صدر ڈونلڈ ٹرمپ نے اگلے مالی سال کے لیے 716 ارب …

Leave a Reply

Your email address will not be published. Required fields are marked *

%d bloggers like this: