Download http://bigtheme.net/joomla Free Templates Joomla! 3
Home / پاکستان / ملک بھر میں سوشل میڈیا اور نیوز چینلز کی نشریات دوسرے روز بھی بند

ملک بھر میں سوشل میڈیا اور نیوز چینلز کی نشریات دوسرے روز بھی بند

اسلام آباد میں مذہبی جماعتوں کے دھرنے کے خلاف آپریشن کے بعد بگڑتی ہوئی صورت حال کے پیش نظر ملک بھر میں سوشل میڈیا اور نیوز چینلز کی نشریات دوسرے روز بھی بند ہیں۔
نجی ٹی وی کے مطابق اسلام آباد میں مذہبی جماعتوں کا دھرنا ختم کرانے کے لیے شروع کیے گئے آپریشن کے بعد بگڑتی ہوئی صورت حال کے پیش نظر ملک بھر میں سوشل میڈیا اور نیوز چینلز کی نشریات دوسرے روز بھی بند ہیں۔
گزشتہ روز پیمرا نے تمام نیوز چینلز کو آف ایئر کرنے کا حکم دیا تھا جس کے بعد کراچی سمیت ملک کے مختلف شہروں میں ایکسپریس نیوز اور دیگر چینلز کی نشریات بند کردی گئی تھیں جو اب تک بند ہیں جب کہ دوسری جانب فیس بک، ٹوئٹر اور انسٹاگرام سمیت تمام سوشل میڈیا سروسز بھی بند ہیں۔
واضح رہے کہ گزشتہ روز پیمرا نے پہلے میڈیا کو فیض آباد دھرنے کے خلاف ہونے والے آپریشن کو براہ راست دکھانے پر پابندی عائد کی جس کے بعد چینلز کو ہی آف ایئر کرنے کا حکم جاری کردیا تھا جب کہ کچھ ہی دیر بعد سماجی رابطوں کی سائٹس کو بھی بندکردیا گیا تھا۔ پیمرا کے مطابق قانون نافذ کرنے والے اداروں کی پوزیشن اور آپریشن براہ راست دکھانے سے عوام میں اشتعال پھیلنے کا خدشہ ہے لہذا قانون نافذ کرنے والے اداروں کی پوزیشنز کو براہ راست نہ دکھایا جائے۔

About Admin

Check Also

نواز شریف سزا معطلی؛ عدالتی فیصلے کا احترام کرتے ہیں، فواد چوہدری

اسلام آباد(مانیٹرنگ ڈیسک) وفاقی وزیراطلاعات فواد چوہدری کا کہنا ہے کہ عدالتوں کا مکمل احترام …

Leave a Reply

Your email address will not be published. Required fields are marked *

%d bloggers like this: