Download http://bigtheme.net/joomla Free Templates Joomla! 3
Home / پاکستان / کراچی کے تھانے ریڑھی والوں کے پیسوں پر چلتے ہیں، سپریم کورٹ

کراچی کے تھانے ریڑھی والوں کے پیسوں پر چلتے ہیں، سپریم کورٹ

کراچی(مانیٹرنگ ڈیسک)کراچی میں پارکوں سے تجاوزات ہٹانے کے کیس میں سپریم کورٹ نے ریمارکس دیے کہ ہیں کہ تھانے ریڑھی والوں کے چندوں اور پیسوں پر چلتے ہیں جب کہ ایس ایچ او تجاوزات کے پیسے پر پل رہے ہوتے ہیں۔

سپریم کورٹ رجسٹری میں پارکوں سے تجاوزات ہٹانے کا معاملے پر درخواست کی سماعت ہوئی جس میں جسٹس سجاد علی  شاہ نے ریمارکس دیے کہ صدر اور اطراف کا علاقہ تجاوزات سے بھرا پڑا ہے ، آپ ایک ریڑھی ہٹا کر دکھا دیں، تھانے ریڑھی والوں کے چندوں اور پیسوں پر چلتے ہیں۔

جسٹس گلزار احمد نے ریمارکس دیے کہ پورے شہر کا حال دیکھیں کے ایم سی کی ملی بھگت سے سڑکوں اور فٹ پاتھوں پر تجاوزات قائم ہیں، ایس ایچ او تک تجاوزات کے پیسے پر پل رہے ہوتے ہیں جب کہ کے ایم سی نے تو پارک بھی کرائے پر دے دیے اور فٹ پاتھوں پر جنریٹر لگوا دیے، جسٹس گلزار احمد نے کے ایم سی افسر سے سوال کیا کہ یہ پیسہ سرکار کے پاس جاتا ہے یا اپنی جیبوں میں ڈال لیتے ہیں۔ عدالت نے مزید سماعت  ملتوی کردی۔

About Admin

Check Also

jail

سندھ کے تفتیشی ادارے قاتلوں کو سزا دلانے میں بری طرح ناکام

کراچی(مانیٹرنگ ڈیسک) سندھ میں 10 برس کے کریمنل کیسز کا ریکارڈ پولیس اور پراسیکیوشن کے …

Leave a Reply

Your email address will not be published. Required fields are marked *

%d bloggers like this: