Download http://bigtheme.net/joomla Free Templates Joomla! 3
Home / سائنس و ٹیکنالوجی / دبئی سے لندن اب 4 گھنٹے کا سفر

دبئی سے لندن اب 4 گھنٹے کا سفر

دبئی(مانیٹرنگ ڈیسک)دنیا کے معروف ترین دبئی ایئر شو میں ایسا طیارہ متعارف کرایا گیا ہے جو لندن سے دبئی کے درمیان ساڑھے 5 ہزار کلومیٹر کا فاصلہ محض 4 گھنٹے میں طے کرنے کی صلاحیت رکھتا ہے۔

تفصیلات کے مطابق دبئی میں بین الاقوامی ایئر شو جاری ہے جس میں دنیا بھر کی طیارہ ساز کمپنیاں اپنے جدید ترین طیارے متعارف کرارہی ہیں۔ ایئر شو میں ایسا طیارہ بھی متعارف کرایا گیا ہے جو دبئی سے لندن جانے والے مسافروں کو محض 4 گھنٹے میں ان کی منزل پر پہنچا سکتا ہے۔

بوم سپر سانک نامی اس مسافر بردار طیارے کو بنانے والی کمپنی بوم کے بانی بلیک شول نے پریس کانفرنس کے دوران بتایا کہ سپر سانک طیارہ عام ایئر کرافٹ طیارے سے 2.6 گنا زیادہ تیز رفتار ہے اور یہ 55 مسافروں کو لے جانے کی صلاحیت رکھتا ہے ۔ طیارے کی باقاعدہ کمرشل پروازیں 2020 تک شروع کردی جائیں گی اور اس طیارے کا کرایہ کسی بھی ایئرلائن کے بزنس کلاس کے ٹکٹ کے برابر ہوگا۔

واضح رہے کہ دبئی اور لندن کا درمیانی فاصلہ 5 ہزار 500 کلومیٹر کے لگ بھگ ہے جسے طے کرنے میں عام پروازیں کم از کم 7 گھنٹے لگاتی ہیں، اسی طرح کراچی سے اسلام آباد کا فاصلہ 1432 کلومیٹر ہے جسے ہوائی جہاز دو گھنٹے میں طے کرتے ہیں تاہم اگر یہ طیارہ کراچی سے اسلام آباد پرواز کرے تو محض ایک گھنٹے میں منزل تک پہنچ جائے گا۔

About Admin

Check Also

گیم اینڈ واچ کا فل اسکرین ورژن مقبول ہوگیا

لاس اینجلس(مانیٹرنگ ڈیسک) 1980 کی ابتدا میں پاکستان سمیت دنیا بھر میں گیم اینڈ واچ بہت …

Leave a Reply

Your email address will not be published. Required fields are marked *

%d bloggers like this: