Download http://bigtheme.net/joomla Free Templates Joomla! 3
Home / پاکستان / پی آئی اے کا ایک اور کارنامہ، 2 پاکستانیوں کی میتیں امریکا میں بھول آئی

پی آئی اے کا ایک اور کارنامہ، 2 پاکستانیوں کی میتیں امریکا میں بھول آئی

کراچی(مانیٹرنگ ڈیسک)پی آئی اے کے عملے کی لاپرواہی کا ایک اور واقعہ سامنے آیا ہے اور قومی ائرلائن 2 پاکستانیوں کی میتیں ہی امریکا میں بھول آئی۔

ترجمان پی آئی اے مشہود تاجور نے واقعے پر معافی مانگتے ہوئے کہا کہ پاکستان ایئرلائن غمزدہ خاندانوں کے دکھ میں شریک اور معذرت خواہ ہے۔ انکا کہنا تھا کہ دونوں میتیں نیویارک میں قومی ایئرلائین کو گراؤنڈ ہینڈلنگ سروس دینے والی ایجنسی کی لاپرواہی کی وجہ سے امریکا ہی میں رہ گئی جس پر ایجنسی کے خلاف قانونی کارروائی کی جائے گی۔

ترجمان کا کہنا ہے کہ پی آئی اے کے سی ای او مشرف رسول نے نیویارک میں دو پاکستانیوں کی میتیں رہ جانے کے واقعے کا نوٹس لے لیا ہے اورمیتوں کی آخری رسومات تک تمام انتظامات ادارے کو کرنے کے احکامات جاری کیئے ہیں۔

ترجمان پی آئی اے مشہودتاجورنےبتایا ہے کہ مرحوم ناصرعلی کی میت اتحاد ایئرلائین کے ذریعے یکم نومبر کو لاہور پہنچائی جائے گی جبکہ مرحوم نعمان بدر کی میت ان کے اہل خانہ کی ہدایات پر امریکا کے قبرستان میری لینڈ میں دفنائی جائے گی۔

About Admin

Check Also

نواز شریف سزا معطلی؛ عدالتی فیصلے کا احترام کرتے ہیں، فواد چوہدری

اسلام آباد(مانیٹرنگ ڈیسک) وفاقی وزیراطلاعات فواد چوہدری کا کہنا ہے کہ عدالتوں کا مکمل احترام …

Leave a Reply

Your email address will not be published. Required fields are marked *

%d bloggers like this: