Download http://bigtheme.net/joomla Free Templates Joomla! 3
Home / کھیل کود / ایشیا کپ: پاکستان اور جاپان کے درمیان میچ 2,2گول سے برابر

ایشیا کپ: پاکستان اور جاپان کے درمیان میچ 2,2گول سے برابر

ڈھاکہ(مانیٹرنگ ڈیسک)ایشیا کپ میں پاکستان اور جاپان کے درمیان کھیلے جانے والا میچ دو،دو گول سے برابررہا ،پاکستان کی جانب سے ارسلان قادر اور عمر بھٹہ نے گو ل کئے۔ایشاکپ پوائنٹس ٹیبل میںپاکستان چار پوائنٹس کے ساتھ فہرست ہے ،جبکہ قومی ٹیم کا روایتی حریف بھارت سے مقابلہ15اکتوبر کو ہو گا۔

تفصیلات کے مطابق پاکستان اور جاپان ایشیا کپ میں اپنا دوسرا میچ کھیل رہی تھیں، میچ شروع ہوا تو پہلے کوارٹر میں دونوں ٹیموں نے دفاعی انداز اپنایا اور ایک دوسرے پر حملے بھی کم کئے جس کی وجہ سے پہلے کوارٹر میں کوئی گول اسکور نہ ہوسکا۔دوسرا کوارٹر شروع ہوا تو پاکستان نے جارحانہ انداز اپنایا اور آغاز میں ہی ملنے والے پنالٹی کارنر کو ارسلان قادر نے گول میں تبدیل کردیا، جس کا جواب جاپان نے بھر پور انداز میں دیا لگاتار دو گول کرکے نہ صرف برتری کا خاتمہ کیا بلکہ ایک گول کی سبقت بھی حاصل کرلی، یہ تینوں گول دوسرے کواٹر میں ہوئے۔تیسرا کوارٹربھی پہلے کوارٹر جیسا رہا دونوں ٹیمیں گول کرنے میں ناکام رہیں۔ جاپان نے اس کوارٹر میں اچھے مومنٹ بنائے جو پاکستانی گول کیپرز نے ناکام بنادیے پاکستان ٹیم برتری ختم نہ کرسکی کھیل کے پچاسویں منٹ میں پاکستان نے جاپان کے گول پوسٹ پر زبردست حملہ کیا جس کو عمر بھٹہ نے گیند جال مین پھینک کر کامیاب بنایا اور یوں برتری کا خاتمہ کرکے مقابلہ دو دو گول سے برابر کردیا اور اسی اسکور پر میچ کا مقررہ وقت ختم ہوگیا اور دونوں ٹیموں کو ایک ایک پوائنٹ ملا۔
پاکستان گروپ اے میں چار پوائنٹس کے ساتھ سرفہرست ہے، پاکستان ٹیم اب تک دو میچز میں نو گول کرچکی ہے جبکہ اس کے خلاف صرف دو گول ہوئے، پاکستان اپنا تیسرا میچ اتوار کو روایتی حریف بھارت کے خلاف کھیلے گا۔

About Admin

Check Also

آخری ون ڈے؛ سری لنکا کا پاکستان کے خلاف ٹاس جیت کر بیٹنگ کا فیصلہ

شارجہ(مانیٹرنگ ڈیسک)سری لنکا نے پاکستان کے خلاف ون ڈے سیریز کے پانچویں اور آخری میچ …

Leave a Reply

Your email address will not be published. Required fields are marked *

%d bloggers like this: