Download http://bigtheme.net/joomla Free Templates Joomla! 3
Home / پاکستان / (ن) لیگ کوجب بھی حکومت ملی ملک کو کنگال بناکر چھوڑا، آصف زرداری

(ن) لیگ کوجب بھی حکومت ملی ملک کو کنگال بناکر چھوڑا، آصف زرداری

پشاور(مانیٹرنگ ڈیسک)پیپلزپارٹی کے شریک چیرمین آصف علی زرداری کا کہنا ہے کہ (ن) لیگ کوجب بھی حکومت ملی ملک کو کنگال بناکر چھوڑا جب کہ میاں صاحب کو نکالے جانے پر کوئی شک تھا تو وہ وزیراعظم ہاؤس سے کیوں نکلے۔

پشاور میں پریس کانفرنس کرتے ہوئے سابق صدر آصف علی زرداری کا کہنا تھا کہ پچھلی بارحکومت کسی اور کی تھی ہم صرف شریک تھے لیکن اس بار ہم لحاذ نہیں کریں گے اور ترقیاتی کام کریں گے، جہاں جہاں ترقیاتی کاموں کی ضرورت ہے پیپلزپارٹی وہاں پہنچے گی جب کہ ہمیں جب حکومت ملی تو لوگوں سے روزگار چھیننے کے بجائے انہیں نوکریاں دیں لیکن (ن) لیگ کو جب بھی حکومت ملی انہوں نے ملک کو کنگال بناکر چھوڑا۔

آصف زرداری کا کہنا تھا کہ میاں صاحب کو آج تک پتہ نہیں چلا کہ انہیں نکالا کیوں گیا اور اگر انہیں کوئی شک تھا تو وزیراعظم ہاؤس سے کیوں نکلے جب کہ ہمارے دورمیں بھی وزیراعظم کو گھر بھیجا گیا تھا مگر اس وقت اقتدارکی منتقلی آرام سے ہوگئی تھی، ہم نے یوسف رضا گیلانی کو نہیں کہا سڑکوں پر نکلیں۔ انہوں نے کہا کہ پچھلے 4 سال میں نوازشریف نے کچھ نہیں کیا مگرضمنی انتخاب میں میاں صاحب کے حلقے میں مریم نوازگئیں تو راتوں رات کام ہوگئے۔

پیپلزپارٹی کے شریک چیرمین نے ملک میں معاشی ایمرجنسی لگانے کا مطالبہ کرتے ہوئے کہا کہ پاکستان معاشی لحاظ سے کمزور ہورہا ہے تو اس کا کوئی تو ذمہ دار ہے جب کہ وفاقی حکومت نے سندھ میں ایک میگا واٹ بجلی نہیں دی۔ انہوں نے کا کہ فاٹا کےمعاملے پرسب سے پہلے بینظیربھٹو سپریم کورٹ گئیں تھی اور انہوں نے کہا تھا فاٹا کو قومی دھارہے میں لایا جائے۔

About Admin

Check Also

JusticeSyedMansoorAliShah

خواتین پرتشدد کے کیسز کی سماعت کیلیے پہلی خصوصی عدالت قائم

لاہور(مانیٹرنگ ڈیسک)چیف جسٹس ہائیکورٹ نے خواتین پر تشدد کے خلاف مقدمات کی سماعت کے لیے …

Leave a Reply

Your email address will not be published. Required fields are marked *

%d bloggers like this: