Download http://bigtheme.net/joomla Free Templates Joomla! 3
Home / پاکستان / عمران خان ،جہانگیر ترین نا اہلی کیسز اگلے ہفتے ردی کی ٹوکری میں ہوں گے،فواد چوہدری

عمران خان ،جہانگیر ترین نا اہلی کیسز اگلے ہفتے ردی کی ٹوکری میں ہوں گے،فواد چوہدری

اسلام آباد(نیوز رپورٹر)پاکستان تحریک انصاف کے مرکزی ترجمان فواد چوہدری نے کہا ہے کہ عمران خان اور جہانگیر ترین نا اہلی کیسز اگلے ہفتے تک ردی کی ٹوکری میں ہوں گے، کیپٹن صفدر کی اسمبلی میں تقریر پاکستان کے جھنڈے کے سفید حصے پر حملہ تھا۔سپریم کورٹ کے باہر میڈیا سے گفتگو کرتے ہوئے فواد چوہدری نے کہا کہ عمران خان کبھی کسی عوامی عہدے پر نہیں رہے لیکن اس کے باوجود انہوں نے 40 سال کے اثاثوں کا ایک ایک روپے کا حساب دیا۔ عمران خان نے تمام منی ٹریل سپریم کورٹ میں پیش کردی ہے ، اگلے ہفتے تک عمران خان اور جہانگیر ترین نا اہلی کیسز کا فیصلہ آجائے گا اور دونوں ہی ردی کی ٹوکری میں جائیں گے۔انہوں نے کہا کہ مسلم لیگ ن پاکستان میں انتشار پھیلانا چاہتی ہے ، یہ ثابت کرنے کی کوشش کر رہے ہیں کہ نواز شریف کی نا اہلی کی صورت ریاست کو کوئی خطرہ ہے کیپٹن صفدر کی اسمبلی میں تقریر پاکستان کے جھنڈے کے سفید حصے پر حملہ تھا، ایسی باتوں کا واحد مقصد پاکستان میں افراتفری پھیلانا ہے۔فواد چوہدری نے کہا کہ ایک ایسے شخص کو وزیر خزانہ رکھا گیا ہے جو پاکستان کی معیشت کو تنزلی کی طرف لے جا رہا ہے، نئے چیئرمین نیب کا نواز شریف کے کیسز کی خود نگرانی کرنے کا وعدہ خوش آئند ہے، حسین اور حسن نواز کو اشتہاری قرار دینے کی کارروائی جلد مکمل کی جائے تاکہ یہ کیس آگے بڑھ سکے۔فواد چوہدری نے ایک بار پھر قبل از وقت انتخابات کا مطالبہ دہراتے ہوئے کہا کہ پاکستان کو چلانے کیلئے مضبوط سیاسی حکومت کا ہونا ضروری ہے اور اس کیلئے جتنی جلدی ہو سکے انتخابات کرائے جائیں۔#/h#

About Admin

Check Also

JusticeSyedMansoorAliShah

خواتین پرتشدد کے کیسز کی سماعت کیلیے پہلی خصوصی عدالت قائم

لاہور(مانیٹرنگ ڈیسک)چیف جسٹس ہائیکورٹ نے خواتین پر تشدد کے خلاف مقدمات کی سماعت کے لیے …

Leave a Reply

Your email address will not be published. Required fields are marked *

%d bloggers like this: