Download http://bigtheme.net/joomla Free Templates Joomla! 3
Home / کھیل کود / جس طرح ٹیم ہاری ہے اس پر سخت مایوسی ہوئی ہے مکی آرتھر

جس طرح ٹیم ہاری ہے اس پر سخت مایوسی ہوئی ہے مکی آرتھر

ابو ظبی (سپورٹس ڈیسک)پاکستانی کرکٹ ٹیم کے ہیڈ کوچ مکی آرتھر نے کہاہے کہ ابوظہبی ٹیسٹ کی دوسری اننگز میں اگر ایک اچھی شراکت قائم ہو جاتی تو پاکستانی ٹیم یہ میچ جیت سکتی تھی۔ میڈیا رپورٹ کے مطابق مکی آرتھر نے کہا کہ پاکستانی ٹیم جس طرح ہاری ہے اس پر انھیں سخت مایوسی ہوئی ہے ،136 رنز کے ہدف کو حاصل کرنے کیلئے وہ ایک اچھی شراکت کی توقع کر رہے تھے جس کے نہ ہونے کے سبب ٹیم پر دبا بڑھتا چلا گیا۔اظہرعلی کا آٹ ہونا بڑا دھچکا تھا۔مکی آرتھر جو بحیثیت ہیڈ کوچ اب تک 16 میں سے 10 ٹیسٹ میچوں میں شکست سے دوچار ہو چکے ہیںنے کہاکہ یہ ایک نوجوان بیٹنگ لائن ہے لیکن جب آپ بین الاقوامی کرکٹ کھیلتے ہیں تو پھر آپ کو اس کے تقاضے بھی پورے کرنے پڑتے ہیں۔انھوں نے کم سکور کے ہدف کے تعاقب میں پاکستانی ٹیم کی ناکامی کی پرانی عادت کے بارے میں کہا کہ اس بارے میں ٹیم کے ساتھ بات کرنی ہوگی ،یہ صورت حال یقینا مایوس کن ہے۔پاکستانی کرکٹ ٹیم کے ہیڈ کوچ نے ٹیم کے بیٹنگ آرڈر کی ترتیب پر اطمینان ظاہر کرتے ہوئے کہا کہ سب سے بہترین بیٹسمین نمبر تین پر کھیلتے ہیں اور اس وقت ٹیم کے بہترین بیٹسمین اظہرعلی ہیں۔مکی آرتھر کے مطابق وہ اسد شفیق کے نمبر چار پر کھیلنے کے حق میں ہیں اس صورت میں نمبر چار اور پانچ پر آپ کے نئے بیٹسمین کھیلتے ہیں لہذا وہ اس موجودہ بیٹنگ آرڈر سے بالکل مطمئن ہیں۔

About Admin

Check Also

آخری ون ڈے؛ سری لنکا کا پاکستان کے خلاف ٹاس جیت کر بیٹنگ کا فیصلہ

شارجہ(مانیٹرنگ ڈیسک)سری لنکا نے پاکستان کے خلاف ون ڈے سیریز کے پانچویں اور آخری میچ …

Leave a Reply

Your email address will not be published. Required fields are marked *

%d bloggers like this: