Download http://bigtheme.net/joomla Free Templates Joomla! 3
Home / صعنت و تجارت / روپے کی قدر میں کمی کا خدشہ، پاکستانیو ں نے اپنے غیر ملکی کرنسی اکاونٹس میں ڈالر جمع کرنا شروع کردیئے

روپے کی قدر میں کمی کا خدشہ، پاکستانیو ں نے اپنے غیر ملکی کرنسی اکاونٹس میں ڈالر جمع کرنا شروع کردیئے

اسلا م آ با د (نیوز رپورٹر)پاکستانی روپے کی قدر میں کمی کے خدشے کے پیش نظر پاکستانی شہریوں نے اپنے غیر ملکی کرنسی اکاو¿نٹس میں ڈالر جمع کرنا شروع کردیئے۔جس کی وجہ سے گذشتہ 4 ماہ کے دوران غیر ملکی کرنسی کے حامل کمرشل بینک اکاو¿نٹس میں 1.2 ارب ڈالر کا اضافہ ہوا۔بینکرز اور کرنسی ڈیلرز اس بات پر متفق ہیں کہ کمرشل بینکس میں ہونے والا یہ اضافہ مقامی کرنسی کے ڈالر میں تبدیلی کے باعث ہوا۔کمرشل بینکس کے زرمبادلہ کے ذخائر 22 ستمبر کو ریکارڈ 5.9 ارب ڈالر کی سطح پر پہنچے جبکہ مئی میں یہ ذخائر 4.7 ارب ڈالر تھے۔سمٹ بینک کے وائس چیئرمین حسین لوائی کا کہنا تھا کہ ’روپے کی قدر میں کمی کا خدشہ ظاہر کیا جارہا ہے جو پاکستانیوں کو روپے کو ڈالر میں تبدیل کرنے پر مجبور کررہا ہے، یہ بات کمرشل بینک میں ڈالر میں ہونے والے حالیہ اضافے سے ظاہر ہے‘۔انہوں نے کہا کہ ’بینکس میں مقامی کرنسی کے ذخائر میں کمی ہوئی ہے اور ان میں 18-2017 کے پہلے دو ماہ میں 329 ارب روپے کی کمی دیکھی گئی، یہ بات ظاہر کرتی ہے کہ روپیہ کہاں گیا‘۔ان کا یقین ہے کہ روپے کی قدر میں 6 سے 8 فیصد تک کمی آسکتی ہے، لیکن اس میں مزید 12 فیصد کمی آنے کا امکان ہے اگر حکومت نے قرض کے لیے انٹرنیشنل مانیٹری فنڈ (آئی ایم ایف) سے رابطہ کیا۔تاہم دیگر بینکرز نے حال ہی میں مقامی کرنسی کے ذخائر میں ہونے والی کمی کے حوالے سے ڈالر کے کردار کر مسترد کیا، ان میں سے ایک بینکر کا کہنا تھا کہ روپے کے ذخائر میں کمی کی وجہ وقتی عوامل ہیں اور یہ ہر سال جون کے آخر میں دیکھنے میں آتی ہے۔

About Admin

Check Also

کاروباری ہفتے کا اختتام: اسٹاک ایکسچینج انڈیکس 19 ماہ کی کم ترین سطح پر بند

کراچی(بیورورپورٹ)سیاسی عدم استحکام کے باعث کاروباری ہفتے اختتام پر پاکستان اسٹاک ایکسچینج کا انڈیکس 19 …

Leave a Reply

Your email address will not be published. Required fields are marked *

%d bloggers like this: