Download http://bigtheme.net/joomla Free Templates Joomla! 3
Home / پاکستان / 3نومبر کی ایمرجنسی میں پرویز مشرف نے وردی کا غلط استعمال کیا اور افواج پاکستان کی ساکھ کو نقصان پہنچایا: کرنل ریٹائر انعام الرحیم نے ججز نظر بندی کیس میں بیان قلمبند کروا دیا

3نومبر کی ایمرجنسی میں پرویز مشرف نے وردی کا غلط استعمال کیا اور افواج پاکستان کی ساکھ کو نقصان پہنچایا: کرنل ریٹائر انعام الرحیم نے ججز نظر بندی کیس میں بیان قلمبند کروا دیا

اسلام آباد(مانیٹرنگ ڈیسک ) انسداد دہشت گردی کی عدالت میں ججز نظربندی کیس کی سماعت کے دوران جنرل (ریٹائرڈ) پرویز مشرف کے خلاف استغاثہ کے آخری گواہ کرنل (ریٹائرڈ) انعام الرحیم کابیان ریکارڈ کرلیا گیا۔
نجی ٹی وی جیونیوز کے مطابق سماعت کے دوران کرنل (ریٹائرڈ) انعام الرحیم نے موقف اختیار کیا کہ ایمرجنسی کے نفاذ اور ججز نظر بندی پرویز مشرف کے ذاتی فیصلے تھے۔انہوں نے کہا کہ تین نومبر کی ایمرجنسی میں پرویز مشرف نے وردی کا غلط استعمال کیا اور افواج پاکستان کی ساکھ کو نقصان پہنچایا۔عدالت میں اپنے بیان میں ان کا کہنا تھا کہ ججز کی نظربندی میں کور کمانڈرز کی مرضی شامل نہ تھی۔ان کا کہنا تھا کہ ایمرجنسی کے خلاف وکلاءاور سابق فوجیوں نے بھی احتجاج کیا۔
انہوں نے بتایا کہ عدلیہ بحالی تحریک میں سرگرم وکلاءکو جیل بھیجوایا گیا۔ پراسیکیوٹر عامر ندیم نے کہا کہ تمام گواہوں سے شہادتیں مکمل ہوگئی ہیں۔بعدازاں سماعت کو پانچ اکتوبر تک کے لیے ملتوی کردیا گیا۔مشرف کے خلاف 60 ججوں کو نظر بند کرنے پر 11 اگست 2009 کو ایف آئی آر درج کی گئی جس میں دہشت گردی کی دفعات بھی شامل کی گئیں۔جون 2013 میں ان پر فرد جرم عائد کی گئی جس کے مطابق سابق صدر نے ججز کو نظربند کیا اور ملک میں ایمرجنسی نافذ کی۔

About Admin

Check Also

JusticeSyedMansoorAliShah

خواتین پرتشدد کے کیسز کی سماعت کیلیے پہلی خصوصی عدالت قائم

لاہور(مانیٹرنگ ڈیسک)چیف جسٹس ہائیکورٹ نے خواتین پر تشدد کے خلاف مقدمات کی سماعت کے لیے …

Leave a Reply

Your email address will not be published. Required fields are marked *

%d bloggers like this: