Download http://bigtheme.net/joomla Free Templates Joomla! 3
Home / کھیل کود / پاکستانی ٹیسٹ سکواڈ کا اعلان، یاسر فٹنس مسائل کے باوجود ٹیم میں شامل

پاکستانی ٹیسٹ سکواڈ کا اعلان، یاسر فٹنس مسائل کے باوجود ٹیم میں شامل

سری لنکا کے خلاف دو ٹیسٹ میچوں کی سیریز کے لیے 16رکنی پاکستانی سکواڈ کا اعلان کردیا گیا ہے اور یاسر شاہ فٹنس مسائل کے باوجود بھی ٹیم میں شامل ہیں۔

کراچی سے تعلق رکھنے والے 25 سالہ لیفٹ آرم فاسٹ بولر میرحمزہ پہلی بار پاکستانی ٹیم میں جگہ بنانے میں کامیاب ہوئے ہیں۔ وہ اس سے قبل پاکستان انڈر19 اور پاکستان اے کی نمائندگی کرچکے ہیں۔

میر حمزہ کے علاوہ محمد اصغر، حارث سہیل، عثمان صلاح الدین اور بلال آصف بھی ایسے کرکٹر ہیں جو ٹیسٹ کرکٹ نہیں کھیلے ہیں البتہ حارث سہیل، عثمان صلاح الدین اور بلال آصف محدود اوورز کی انٹرنیشنل کرکٹ کھیل چکے ہیں۔

انضمام الحق کی سربراہی میں قائم سلیکشن کمیٹی نے قومی کیمپ کے اٹھارہ کھلاڑیوں میں شامل محمد رضوان اور احمد شہزاد کو ڈراپ کرتے ہوئے بقیہ 16 کھلاڑیوں کو ٹیم میں شامل کرنے کا فیصلہ کیا ہے۔

پاکستان کرکٹ بورڈ کو اوپنر اظہر علی اور لیگ سپنر یاسر شاہ کی فٹنس سے خاصی فکر لاحق ہے تاہم یہ دونوں ٹیم میں جگہ بنانے میں کامیاب ہوگئے ہیں۔

اظہر علی کے گھٹنے میں تکلیف ہے جبکہ یاسر شاہ کیمپ میں ٹریننگ کے دوران مکمل طور پر فٹ نہیں پائے گئے تھے۔

پاکستانی ٹیم ان کھلاڑیوں پر مشتمل ہے۔ سرفراز احمد ( کپتان )، اظہرعلی، شان مسعود، سمیع اسلم، بابراعظم، اسد شفیق، حارث سہیل، عثمان صلاح الدین، یاسرشاہ، محمد اصغر، بلال آصف، میرحمزہ، محمد عامر، حسن علی، محمد عباس اور وہاب ریاض۔

پاکستان اور سری لنکا کے درمیان پہلا ٹیسٹ 28 ستمبر سے ابوظہبی میں کھیلا جائے گا جبکہ دبئی چھ اکتوبر سے دوسرے ٹیسٹ کی میزبانی کرے گا۔

About Admin

Check Also

darrel

پاکستان مخالف سابق امپائر ڈیرل ہیئر چور نکلے

سڈنی(مانیٹرنگ ڈیسک)آسٹریلوی عدالت نے سابق متنازع امپائر ڈیرل ہیئر کی چوری کے مقدمے میں ضمانت منظور کرلی۔ …

Leave a Reply

Your email address will not be published. Required fields are marked *

%d bloggers like this: